Tetris (d'o ruso Тетрис) ye un videochuego de tipo trencacabezas inventau por l'incheniero informatico ruso Alexey Pajitnov en 1985 mientres treballaba en l'Academia de Sciencias de Moscú (Unión Sovietica).

Tetris.

A versión pa la consola portatil Game Boy, lanzada en 1989, lo convirtió en un d'os chuegos mas populars de totz os tiempos.

Ha vendiu 202 millons de copias, bellas 70 millons d'unidatz fisicas y 132 millons de descargas de chuegos mobils de pago, dica aviento de 2011, o que la convierte en una d'as franquicias de videochuegos mas vendidas de totz os tiempos; A versión de Game Boy en particular ye un d'os chuegos mas vendius de totz os tiempos, con mas de 35 millons de copias vendidas.

HistoriaEditar

Tetris empecipió a estar conoixiu quan Vadim Gerasimov, un mocet de 16 anyos que treballaba en l'Academia de Sciencias, portió o chuego enta IBM PC. Dende allí se distribuyó gratuitament en Hongría, an se programó pa Apple II y Commodore 64 sin o conoixencia de Pajitnov. Istas versions clamoron o ficacio de Robert Stein, president d'Andromeda, interpresa intermediaria dedicada a adquirir os dreitos de software y distribuir-los. Stein intentó aconseguir os dreitos d'o chuego. Antis d'aconseguir-los los vendió a las interpresas Mirrorsoft y o suyo filial estatounitense Spectrum Holobyte. Posteriorment a licencia pasó a Nintendo en 1989. En 1991, Alexey Pajitnov emigra enta Estatos Unitos y, cinco anyadas dimpués, en 1996 funda a suya propia companyía, Tetris Company, de conchunta con Henk Rogers y s'apropia d'os dreitos d'autor.