Tarzan and the Lost Safari
Tarzan and the Lost Safari (títol orichinal en anglés, en aragonés Tarzán y lo safari perdiu, enguerada en Aragón con o suyo títol traduciu enta lo castellano como Tarzán y el safari perdido) ye una cinta de cine d'aventuras de cine estausunidense de l'anyo 1957 dirichida por Bruce Humberstone seguntes un guión orichinal de Montgomery Pittman y Lillie Hayward (encara que basau eb os personaches creyaus por Edgar Rice Burroughs), con una banda sonora orichinal de Clifton Parker, una dirección de fotografía de C. M. Pennington-Richards, una producción cinematografica de John Croydon y Sol Lesser ta la productora cinematografica Solar Films Productions y un elenco formau por os actors Gordon Scott, Robert Beatty, Yolande Donlan, Betta St. John, Wilfrid Hyde-White, George Coulouris, Peter Arne y Orlando Martins, en os suyos papels principals.
A cinta, que fa parte d'a serie de cintas protagonizadas por Tarzán (estando la 19ena cinta de Tarzán y la primera en color, en Eastmancolor) conta cómo un avión s'espatarna en 1956 en a colonia de l'Africa Oriental Britanica (l'actual Kenya) y Tarzán los troba, comprometendo-se a levarlos de tornada en bel lugar civilizau en trescruzando la chungla. Tanimientres, Ogonooro , lo chefe d'os guerreros d'a ciudat ficticia d'Opar, secuestra a una d'as viacheras, Diana Penrod, potque deseyan ufrir en sacrificio a tot o grupo a lo suyo dios, un leyón. Tusker Hawkins, un cazador, colabora con Tarzán ta rescatar a Diana y bien luego manifiesta sentir-se atrayiu por ella, pero Diana lo refusa. D'atra man, Tusker ye secretament aliau d'os guerrers oparians y lo suyo obchectivo ye de vender o grupo ta recibir a cambio una gran fortuna en vori d'elefants. Sindembargo, Tarzán prencipia a sospeitar d'él.
Tarzan and the Lost Safari s'ambienta en l'anyo 1956 en l'antiga Africa Oriental Britanica (actualment Kenya) y las suyas escenas se filmoron en os Elstree Studios en Hertfordshire (Anglaterra), en o rancho Iverson en Los Angeles (California, Estaus Unius) y en os países africans d'a Republica Democratica d'o Congo, Kenya, Tanzania, Uganda y Zambia.[2]
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar- (en) Tarzan and the Lost Safari en Internet Movie Database.
- (en) Tarzan and the Lost Safari en AllMovie.
- (en) Tarzan and the Lost Safari en TCM Movie Database.
- (es) Tarzan and the Lost Safari en FilmAffinity.
- (en) Tarzan and the Lost Safari en l'American Film Institute Catalog de l'American Film Institute.
- (en) Tarzan and the Lost Safari en Letterboxd.
- (fr) Tarzan and the Lost Safari en Allociné.
Datos: Q1607136
