Tarba
Tarba (Tarba [ˈtaɾβɔ] en occitán; Tarbes en francés) ye una ciudat d'o departamento francés d'os Altos Pireneus, capital de subprefectura y de cantón, asinas como d'a provincia historica de Bigorra. Tien poco mas de 50.000 habitants y se troba situata a 320 metros sobre o livel d'a mar. Destaca en ella l'edificio molimental d'a seu de Nuestra Sinyora. Poseye un gran parque clamato Chardín Massey, asinas como atros menors (Parque Paul Chastelain, Parque Bel Air), una fuent molimental en a plaza d'o Marcadieu y una estatua ecuestre adedicata a lo Mairal Foch.
| Tarba Tarbes | ||
| Comuna de Francia | ||
| ||
 Ilesia de Santa Tresa | ||
| Estau • País • Rechión • Departam. • Districto • Cantón |
 Francia OccitaniaOccitania Altos Pireneus (prefectura) Tarba (capital) Capital de 3 cantons: Tarba-1, 2 y 3 | |
| Mancomunidat | Communauté d'agglomération du Grand Tarbes | |
| Superficie | 15,33 km² | |
| Población • Total • Densidat |
43 955 hab. (2013) 3019 hab/km² | |
| Altaria • Meyana • Maxima • Minima |
304 m 326 m 284 m | |
| Alcalde | Gérard Trémège | |
| Codigo postal | 65000 | |
| Codigo INSEE | 65440 | |
| Coordenadas | ||
Historia
editarVilla establita en o sieglo III aC, se convertió en colonia romana baixo lo nombre de Tarba. Asolata por os normandos en 840, la recostruyió o Bispe de Bigorra u Tarba. Dende o sieglo XII estió capital condal y mas tardi capital de senescalía. En a Edat Meya yera formata por seis barrios: a Seu, Carrera Llarga, Mauburguet, Burg Vell, Burg Nou y Burg Cranc. En 1569 os protestants cremoron a suya seu, pero o bispe la fació reconstruyir en 1652. En 1790 se convirtió en capital departamental. En Tarbes naixió en 1851 o mariscal Foch, comandant d'os exercitos aliaus en a Primera Guerra Mundial.
Toponimia
editarA forma aragonesa d'iste toponimo occitán se troba en a onomastica aragonesa medieval, Calle del Forno de Tarba en a Zaragoza d'o sieglo XV, y en antroponimos como Galacián de Tarba, Don Ramón de Tarba.
Como colonia romana y foco de romanización en tierras d'os aquitals arredol de Tarba bi ha toponimos rematatos en -án testimonio d'una romanización inicial y toponimos rematatos en -ac testimonio d'una romanización mes tardana de caracter galorromance.
