Support Your Local Sheriff!
Support Your Local Sheriff! (títol orichinal en anglés, en aragonés Refirme a lo suyo sheriff local!, enguerada en Aragón con o títol en castellano de También un sheriff necesita ayuda, en aragonés Tamién un sheriff amenista aduya) ye una cinta de cine de western comico de cine estausunidense de l'anyo 1969 dirichida por Burt Kennedy seguntes un guión orichinal de William Bowers, con una banda sonora orichinal de Jeff Alexander, una dirección de fotografía de Harry Stradling Jr. y una producción cineatografica de William Bowers y Bill Finnegan ta las productoras Cherokee Productions y Three Pictures. De l'elenco d'a cinta fan parte, entre d'atros, os actors James Garner, Joan Hackett, Walter Brennan, Harry Morgan, Jack Elam, Henry Jones, Bruce Dern, Willis Bouchey, Kathleen Freeman, Walter Burke, Chubby Johnson, Gene Evans, Dick Peabody y Dick Haynes.
Prudy Perkins ye una mesacha desmanotada que cuan yeran apedacando a un desconoixiu en un lugarón de Colorado troba casualment oro en o fosal. Como consecuencia, su pai Olly se converte en o primer alcalde d'o lugar, que creixe a escape, pero que bien luego queda baixo lo control d'a familia Danby, que cobran un peace a toz os negocios y mesmo a los viaches d'os ciudadans por trescruzar as suyas propiedaz, que son a sola posibildat de salir d'o pueblo. Ixo prencipa a cambiar cuan plega en o lugar un desconoixiu bien hábil con a pistola a quien contractan como "sheriff" d'o lugar encara que diz que él ye nomás que paixero ta Australia. A suya primera misión ye de de detener a u d'os Danby a qui él mismo ha visto cometer un asasinato.
A cinta s'ambienta asinas en Colorado en bel momento indeterminau d'o sieglo XIX y las suyas escenas se filmoron en o rancho Iverson en Los Angeles, California.[2].
Support Your Local Sheriff! recibió bels premios y nominacions, encara que garra d'éls fa parte d'os premios mas conoixius. Ye una cinta que no tenió masiau exito en os primers día d'o suyo enguero, y mesmo la productora yera bien amán de retirar-la d'as salas, pero que bien luego se convirtió en una cinta con un important exito y recaudo, dica lo punto que en 1971 o director Burt Kennedy fació un atro western comico con cuasi lo mesmo elenco d'actors d'ista cinta, Support Your Local Gunfighter.
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar- (en) Support Your Local Sheriff! en Internet Movie Database.
- (en) Support Your Local Sheriff! en TCM Movie Database.
- (en) Support Your Local Sheriff! en AllMovie.
- (en) Support Your Local Sheriff! en l'American Film Institute Catalog de l'American Film Institute.
- (en) Support Your Local Sheriff! en Rotten Tomatoes.
- (en) Support Your Local Sheriff! en Netflix.
- (en) Support Your Local Sheriff! en Letterboxd.
- (es) Support Your Local Sheriff! en FilmAffinity.
- (fr) Support Your Local Sheriff! en Allociné.
Datos: Q486417
