Supertierra

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Una supertierra ye una planeta extrasolar con una masa mayor que la Tierra pero que ye substancialment abaixo d'aquells d'os chigáns de chelo d'o Sistema Solar, Urano y Neptuno, os quals tien 15 y 17 vegadas a masa d'a Tierra respectivament. O nombre "supertierra" se refiere nomás a la masa d'a planeta, y asinas no implica bella coseta sobre a suya habitabilidat.

Comparanza dentre a Tierra, a supertierra CoRoT-7 b y Neptuno

A primera supertierra estio descubierta per Aleksander Wolszczan y Dale Frail arredol d'o pulsar "PSR B1257+12" en 1992. As dos planetas exteriors (clamatas "Poltergeist" y "Phobetor") d'o sistema tienen una masa aproximadament quatro vegadas a masa d'a Tierra, masiau chicotas d'estar chigans gasistas.

Tipos

A causa d'a mayor masa d'as supertierras, as suyas caracteristicas fisicas pueden diferir d'a Tierra; os modelos teoricos ta supertierras proporcionan quatro composicions prencipals posibles seguntes a suya densidat:

• supertierras de baixa densidat: son compuestas prencipalment de hidrocheno y helio (tamién clamadas minineptunos).
• supertierras de densidat intermeya que tienen l'augua como elemento mas important (tamién clamadas planetas oceano).
• supertierras de densidat intermeya pero que tienen un nuclio mas denso embolicau con una capa extendida de gas (tamién clamadas "nanas gasistas" u "subneptunos").
• supertierras de densidat alta ye creyida d'estar pedregosa y/u metalica, como a Tierra y las atras planetas terrestres d'o Sistema Solar.