Planeta oceano
Una planeta oceano (u tamién denominau mundo aquatico) ye un tipo hipotetico de planeta que la suya superficie sería completament cubierta per un oceano d'augua u atros liquidos, sin islas ni continentes u tierras emerchidas.[1]
A planeta extrasolar "GJ 1214 b" ye la candidata conoixida mas probable ta una planeta oceano. Sindembargo s'aspera descubrir muitos mas obchectos semellants en l'esdevenider.
En chunyo de 2020, os cientificos d'a NASA informoron que ye prebable que as exoplanetas oceanos sían comunas en a Vía Lactia, seguntes estudios de modelos matematicos.[2]
En a ficción editar
As planetas oceano s'han utilizau prou como motivos argumentals, per o cheneral descritos con temperaturas benignas en a superficie y no masiada profundidat, a diferencia d'os oceanos muito profundos esperables en a realidat. Eixemplos:
- En a cinta Interstellar (2014), a planeta de Miller ye aparentment una planeta oceano.
- A novela de C.S. Lewis Perelandra tiene puesto en un mundo cubierto d'augua d'o mesmo nombre.
- "Lucky Starr y los oceanos de Venus" d'Isaac Asimov tiene puesto en Venus, representau como una planeta oceanica templada.
- A planeta Alpha, en "Fundación y Tierra" d'Isaac Asimov, ye un mundo oceanico (salvo per una sola isla) en orbita d'o sistema Alfa Centauri.
- A planeta Mare Infinitus, en a tetralochía "As cancions de Hyperion" de Dan Simmons ye un mundo oceanico d'auguas de una color viola.
- A novela Solaris (1961) de Stanisław Lem chira arredol d'una planeta oceano, que ye en verdat un solo organismo de grandaria d'un oceano.
- En a cinta "Waterworld" (1995), ye ambientau en l'anyo 2500 y las capas de chelo polars d'a Tierra s'han redetiu, dando puesto a inundacions catastroficas que a la suya vegada converten a Tierra en una planeta oceano.
- A planeta Thalassa, d'a novela "cancions d'a leixana Tierra" per Arthur C. Clarke.
- En a serie televisiva espanyola "Lo barco", a Tierra se converte en una planeta oceano dimpués d'una esferra.
Referencias editar
- ↑ (en) Adams, E. R.; Seager, S.; Elkins-Tanton, L. (1 February 2008). "Ocean Planet or Thick Atmosphere: On the Mass-Radius Relationship for Solid Exoplanets with Massive Atmospheres". The Astrophysical Journal. 673 (2): 1160–1164
- ↑ (en) "Are Planets with Oceans Common in the Galaxy? It’s Likely, NASA Scientists Find" en a pachina web d'a NASA