Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Socotra
Localizazión
Estato Yemen
Archipelago Socotra
Oceano Indico
Coordenatas 12° 40′ 00″ N 54° 00′ 00″ E
Cheografía
Superficie 3.625 km²
Largo maximo 130
Amplo maximo 40
Punto más alto 1419
Demografía
Capital Hadibu
Población 35.000 aprox

Socotra ye una isla de l'Oceano Indico que chunto con atras tres islas forma l'archipelago de Socotra, situato a 240 km a l'este d'o Cuerno d'Africa.

L'antigo aislamiento d'a isla ha feito que en Socotra bi haiga especies de plantas endemicas, entre as que destaca un parient d'o drago canario, l'árbol d'a sangre de dragón Dracaena cinnabari, que produce una resina dita "sangre de dragón" comercializata dende antigo como colorant u como medicinal. Bi ha una mengranera endemica, a Punica protopunica.

En a fauna de Socotra destacan as especies d'aus endemicas y l'ausencia de mamifers autoctonos a part d'os quiropters.

A mes gran part d'a población ye arabe, con una minoría somalí. Beluns d'os arabes charran una luenga semitica diferent de l'arabe, l'idioma socotrí.

Ye mencionata en a traducción aragonesa d'o "Libro de Marco Polo" baixo o epigrafe Dela isla de Scoyra y dimpués la nombran en o epigrafe Dela isla de scoyra et de machiscar:

Quando ho(m)bre parte destas dos islas andando çerca de .dc. leguas por medio dia si troba ho(m)bre vna ysla que se clama scoyra et las gentes son assi mismo xp(ist)ianos et ha(n) por senyor vn arçebispe que sta en bandach el qual tienen como a papa /. en aquesta isla ya mucho coton et prenden hi mucho pex et de grant quasi como vna ballena et secan los car muchos mercaderos hi vienen acomprar et biuen de arroz et de carn et de leche et van todos snudos amanera delos indianos de que auemos ya parlado / En aquesta ysla vienen muchos mercaderos et nauilios car todas las naues que ha(n) de yr en adria han a passar por aqui por tomar refrescament por no acostar se alla do auemos dicho que ha muchos corssarios Et otro si hi vienen por tal como en aquesta ysla ya encantadores qui por lur art fazen fer bel t(ie)mpo et quando tornan aduzen les ioyas delas que dema(n)dan et por larçebispe lur ni por ren no se quieren estar de aquesta mala art.
Quando ho(m)bre se parte desta ysla de (de) scoyra yendo por medio dia. [mil] leguas troba hombre vna ysla que ha nombre machidescatar la qual es muy grant et boga .iiii.mil. leguas et las gentes son moros


Estatos d'Africa
Alcheria | Angola | Benín | Botsuana | Burkina Faso | Burundi | Cabo Verde | Camerún | Chad | Chibuti | Comoras | Costa de Vori | Echipto1 | Eritrea | Eswatini | Etiopia | Gabón | Gambia | Ghana | Guinea | Guinea-Bissau | Guinea Equatorial | Kenya | Lesoto | Liberia | Libia | Madagascar | Malawi | Mali | Marruecos | Mauricio | Mauritania | Mozambique | Namibia | Nícher | Nicheria | Republica Centroafricana | Republica d'o Congo | Republica Democratica d'o Congo | Ruanda | Sahara Occidental2 | Sant Tomé y Prencipe | Senegal | Seychelles | Sierra Leone | Somalia | Somalilandia2 | Sudafrica | Sudán | Sudán d'o Sud | Tanzania | Togo | Tunicia | Uganda | Zambia | Zimbabwe
Dependencias: Ascensión | Canarias | Ceuta | Madeira | Mayotte | Melilla | Pantelleria | Reunión | Santa Helena | Socotra | Tristán da Cunha
1 Parcialment en Asia. 2 Parcialment reconoixito u en disputa