Sant Chusep de Calasanz

(Reendrezau dende San Chusep de Calasanz)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chusep de Calasanz y Gastón (Peralta de la Sal, 11 de setiembre de 1557 - Roma, 25 d'agosto de 1648), tamién conoixito como Sant Chusep de Calasanz, Calasanz u por o suyo nombre relichioso Chusep d'a Mai de Dios (Josephus a Matre Dei), estió o fundador d'a orden relichiosa d'os Escolapios.

Sant Chusep de Calasanz

A zaguera comunión de Sant Chusep de Calasanz, de Goya

Información personal
Nombre Sant Chusep de Calasanz
Apodo: {{{apodo}}}
Naiximiento 11 de setiembre de 1557
Peralta de la Sal, Aragón
Muerte 25 d'agosto de 1648
Roma, Italia
Información relichiosa
Festividat 27 d'agosto
Venerau en a Ilesia Catolica.
Simbolochía
Patronache Escuelas populars cristianas.
Centro de pelegrinache {{{puesto pelegrinache}}}
Ordens {{{orden}}}
Beatificación {{{beatificación}}}
Canonización 16 de chulio de 1767 por o Papa Climent XIII
Qüestions {{{qüestions}}}

Biografía editar

Chusep de Calasanz ye naixito de Peralta de la Sal. Estió o mas choven d'os siet fillos de Pedro Calasanz, que yera ferrero y plegó a estar o churau mayor d'o lugar, y María Gastón, qui li dioron una buena educación en casa suya y en a escuela de Peralta. Con diez anyos marchó interno a Estadilla ta estudiar Humanidatz. Dimpués estudió Filosofía y Dreito en a Universidat de Leida, en aquels tiempos a mas important d'a Corona d'Aragón, an que i acudiban estudiants aragoneses, catalans y valencianos que s'agrupaban en nacions. Fue nombrau por os estudiants aragoneses como Prior d'a nación aragonesa. En Leida aconsiguió o títol de Doctor en Dreito, y dimpués estudió con honors Teolochía en as universidatz de Valencia, Alcalá de Henares y unatra vegada en Leida, an que obtenió o Doctorato en Teolochía.

Dimpués que morioron su mai y o suyo unico chermano, su pai querió que Chusep casase y continase a casa y familia. Pero una malotía en 1582 fizo veyer a Chusep as tres pedretas y su pai li permitió seguir a suya vocación relichiosa. Cuan se recuperó fue ordenato sacerdot o 17 d'aviento de 1583 por Hugo Ambrosio de Moncada, bispe d'Urchel.

Chusep prencipió os suyos treballos como mosen en a Diocesi d'Albarracín, an que o Bispe Gaspar Juan de la Figuera li nombró o suyo teologo y confesor, examinador d'o sinodo y precurador, y cuan o bispe fue tresladato ta la Diocesi de Leida o suyo teologo li siguió ta la suya nueva diocesi. En 1585 bi estió en as Cortes de Monzón.

En 1586 de la Figuera fue ninviato como vesitador apostolical ta la Badía de Montserrat y Chusep l'acompanyó como secretario. O bispe morió a l'otro anyo y Chusep marchó, pero i tornó cuan li'n requirioron. En ixe tiempo morió o suyo pai. Alavez fue nombrato por o Bispe d'Urchel ta estar o vicario cheneral d'o distrito de Tremp.

En 1592 embarcó cara ta Roma con l'afán de poder medrar mas rapedament en a hierarquía eclesiastica, ganando una canonchía. Pero Calasanz vivió en Roma a resta d'a suya vida. Anyos dimpués escribió aragonés de nación, romano de sentimiento y costumbres. En plegar ta Roma trobó un protector, o Cardenal Marcoantonio Colonna, qui lo trigó como teologo y como mayestro ta su sobrino.

En Roma podió veyer a miseria material y moral en que viviba a chent común d'a ciudat, en especial os mesaches que viviban en as carreras, en o Barrio d'o Trastevere, muitos d'els popiellos, y que no teneban garra instrucción. Astí Calasanz principia a cambear as suyas prioridaz vitals, y cuan a la fin l'ufrioron una deseyata canonchía en Sevilla, respondió "En Roma he trobato a maniera finitiva de servir a Dios, fendo o bien a os ninos pobres, y no los deixaré por garra cosa".

Calasanz s'achunta a una Confrairía de Doctrina Cristiana que reculliba mocez y mocetas d'as carreras y los levaban ta la escuela, pero os mayestros, que yera mal pagatos, refusoron esta faina adicional sin cobrar mas diners.

O pastor d'a parroquia de Santa Dorotea, Antonio Brendani, li ufrió dos cambras y aduya en l'amostranza ta fer una escuela ta istos mocez. Cuan atros dos mosens li prometioron aduya, Chusep de Calasanz ubrió en Noviembre de 1597 a primer escuela publica gratuita d'Europa.

O Papa Climent VIII li concedió una aduya anyal y muitos atros tamién fizon donacions, y en poco tiempo a escuela de Chusep de Calasanz ya teneba a o suyo cargo bella milenta d'escolanos. En 1602 logó una casa en Santa landrea della Valle, y principió una vida comunitaria con os suyos asistents, o que lebó t'o establimiento d'a Orden d'as Escuelas Pías u Escolapios.

A suya nueva institución atrayó muita invidia y oposición enta el y a suya obra. En 1612 a escuela se tresladó ta un palacio chunto a Sant Pantaleone. O 15 de setiembre de 1616 establió un nuevo colechio y comunidat escolapia en Frascati. En Sant Pantaleone, Chusep pasó a resta d'a suya vida. Morió en Roma o 25 d'agosto de 1648.

Veneración editar

O suyo cuerpo ye apedecato en San Pantaleone. Calasanz fue beatificato o 7 d'agosto de 1748. Fue canonizato por Papa Climent XIII o 16 de chulio de 1767. A suya fiesta liturchica ye o 25 d'agosto.