Salón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O salón ye a carne salada y secada d'un animal. Ya que ye una forma de conservar a carne durant muito tiempo sin de refricheración, s'ha emplegau ista practica en muitas partes d'o mundo dende fa milenios.

Salón.

En Aragón, o salón ye un plato tipico de pastors, ya que ye fácil de fer -dica en o mont- y permite d'aproveitar a carne d'animals que altrament ya no son productivos, u porque s'han accidentau, u porque tienen bella malautía. A parti de ser fácil de fer y de conservar, o salón no pesa muito y ye fácil de portar.

Ta fer salón, cal separar a carne d'os uesos, a piel y as tripas, salar-la y colgar-la en bel puesto ane l'aire pueda secar-la. En bels puestos, tamién ye tipico tallar a carne en tiras u fer-la curar con fumo.

Referencias

• Datos: Q1052461
• Multimedia: Cecina (meat) / Q1052461