Rupertiwinkel

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Rupertiwinkel (en austro-bavaro Rupertiwinke) ye una chicota rechión historica situada en a muga sudoriental de Bavera con Austria. Fació parti de l'Arcebispau de Salzburg dica primerías d'o sieglo XIX, recibindo o suyo nombre d'o primer bispe de Salzburgo Sant Rupert (c.660–710), apóstol en o Ducau de Bavera.

Cheografía

L'aria se localiza en o semontano alpín de l'Alta Bavera, a bels 20 km a o norte de Salzburgo en a zona a on se troba a muga entre Alemanya y Austria.^[1] Centrada arredol d'a localidat de Laufen y o Waginger See, s'estendilla entre a marguin ezquierda d'o río Salzach por l'este y a rechión de Chiemgau a l'ueste.

A zona norte de Rupertiwinkel dica o mont Rampelsberg y o río Alz en Trostberg ye administrada por o districto de Traunstein. O municipio de Tyrlaching en l'extremo norte fa parti d'o districto d'Altötting. A metat sud dica os monts Hochstaufen y Teisenberg en os Alpes de Chiemgau y o río Saalach fan parti d'o districto de Berchtesgadener Land.

Municipios de Rupertiwinkel entre os districtos de Traunstein (TS), Berchtesgadener Land (BGL) y Altötting (AÖ)

Municipios

Districto d'Altötting
- Tyrlaching
Districto de Berchtesgadener Land
- Ainring
- Anger
- Freilassing
- Saaldorf-Surheim
- Laufen
- Piding
- Teisendorf

Districto de Traunstein
- Fridolfing
- Kirchanschöring
- Palling
- Petting
- Taching am See
- Tittmoning
- Lugars de Heiligkreuz y Lindach en Trostberg
- Waging am See
- Wonneberg

Historia

Dende l'Alta Edat Meya, l'aria fació parti d'o Salzburggau aintro d'o ducau radiz de Bavera. Ya arredol de l'anyo 700, estió o duque Teodón de Bavera qui cedió a villa de Piding a o bispe de Rupert de Salzburgo. Debiu a las tierras fértils que se trobaban en a marguin occidental d'o río Salzach, os arcebispes miroron en os siguients sieglos d'enamplar as suyas posesions. En 1125 s'estableixe l'abadía de Höglwörth, un monesterio de canonches regulars situau amán d'Anger. Es declarar-se Salzburgo como Prencipau-arcebispau, o territorio episcopal fue reconoixito por o duque Lois II de Bavera en 1275.

Dende primerías d'o sieglo XIV, Rupertiwinkel estió a extremadura occidental d'a rechión de Flachgau en Salzburgo. Os arcebispes convirtioron o Castiello de Staufeneck en una residencia episcopal y en o norte o castiello de Tittmoning Castle se reconstruyó ta convertir-lo en una fortaleza de muga. Cuan o prencipau-arcebispau fue secularizau en 1803 o zaguer prencipe-arcebispe, o conde Hieronymus von Colloredo fue reemplazau por Ferrando III d'Habsburgo-Lorena, antigo Gran Duque de Toscana, qui gubernó como Elector de Salzburgo dica 1806. Con Salzburgo, o territorio pasó ta l'Imperio Austriaco. Mientres o Congreso de Viena, Austria y Bavera alcordoron a la fin en 1816 trazar a muga entre os dos estaus por o río Salzach, quedando asinas Rupertiwinkel en o canto bavaro.

Encara que a población de Rupertiwinkel tien rasgos socials y culturals distintivos (mas que mas a musica folk y os Tracht u traches rechionals), a rechión se convirtió en una parti constituyent d'o estau de Bavera. En rematar a Segunda Guerra Mundial o estau de Salzburgo demandó l'afiliación d'ista rechión con Austria, pero a requesta estió refusada de tot.

Personaches famosos

Benedet XVI, naixiu como Joseph Ratzinger, pasó parti de su nineza en Tittmoning, chunto a o río Salzach.
Johann Michael Rottmayr, famoso pintor barroco, naixió de Laufen an der Salzach
Balthasar Permoser, escultor, baptizau en Kammer (dica 1923 parroquia d'Otting, Rupertiwinkel)
Manuela Kraller (* 1981), cantaire, ye naixida d'Ainring