La Republica Romana (Res Publica Romana) ye la fase de la civilización de l'antiga Roma que encomienza en l'anyo 509 aC. cuan l'aristocracia patricia derrocó a lo zaguer rei etrusco de Roma Tarquín lo Soberbio y remata oficialment en l'anyo 27 cuan Octavián recibe lo títol d'Augusto.
La parola « republica » vien de lo latín RES PUBLICA, que significa « la cosa publica ». Gubernar la ciudat ye doncas un afer publico y colectivo. Lo lema de la Republica ye Senatus Populusque Romanus (SPQR), « lo Senau y lo pueblo romano ». Ixo simboliza la unión de lo Senau romano, a on s'asientan las familias patricias, y de toz los ciudadans romanos. En efecto, los romanos son dividius a lo principio en dos grupos, los patricios y los prebeyos. Estos zaguers forman la masa de los artisans y la chent de la tierra. Los patricios son a sobén propietarios de grans dominios cautivaus y perteneixen a familias celebres las GENTES. Cada GENS tien los suyos propios cultos a los antipasaus y las suyas tradicions. Una GENS comprende un numero mes o menos gran de clients qui li deben obediencia a lo suyo «patrón» y reciben a cambio ayuda y asistencia en caso de necesidat.
