Rio Lobo
Rio Lobo (títol orichinal en anglés, en aragonés Río Lobo, enguerada en Aragón con iste zaguer títol) ye una cinta coproducida por cine estausunidense y por o cine mexicano de cine de western enguerada l'anyo 1970, dirichida por Howard Hawks seguntes un guión adaptau por Burton Wohl y Leigh Brackett (basau en una historia de Burton Wohl), con una banda sonora orichinal de Jerry Goldsmith, una dirección de fotografía de William H. Clothier, una producción cinematografica de Howard Hawks ta las productoras Cinema Center Films, Malabar Productions, Estudios Churubusco Azteca S.A. y Batjac Productions y con un elenco d'actors d'o cual en fan parte, entre d'atros, John Wayne, Jorge Rivero, Jennifer O'Neill, Christopher Mitchum, Jack Elam, Victor French, Susana Dosamantes, Sherry Lansing, David Huddleston, Mike Henry, Bill Williams, Jim Davis, Dean Smith, Robert Donner, Hank Worden, Peter Jason, Edward Faulkner, Chuck Courtney, George Plimpton, Don "Red" Barry y Gregg Palmer.
Mientres a Guerra Civil d'os Estaus Unius, un grupo de sudistas mandaus por o capitán Pierre Cordona (en a edición d'a cinta en Aragón clamau Pierre Cardona) asaltan un tren a on se transportan nominas en oro de l'exercito estausunidense. En l'asalto muere un choven tenient, Ned Forsythe, amigo d'o coronel McNally, que manda lo transporte de l'oro. En a persecución, McNally caye presonero d'os sudistas, pero consigue clamar l'atención d'os soldaus nordistas cuan son amán de trescruzar as linias enta lo sud y consigue fer presonero de guerra a lo capitán Cardona y a lo sarchento Tuscarora Phillips. Lis demana que li digan qui ye lo traidor que por diners lis ha dau la información d'o transporte d'oro pero istos se niegan, en estar en guerra. Cuan remata la guerra, en estar liberaus tornan a recibir a visita de McNally y ista vegada li dan a poca información que conoixen y quedan como amigos, porque lo coronel nomás ye intresau que en capturar a lo traidor. Tiempo dimpués, l'antigo coronel recibe un aviso ta que se trobe con Pierre Cordona, qui li diz que han trobau a dos d'os traidors que busca. Chusto antes de que li digan, se veye obligau a disparar ta defender a una mesacha d'uns comisarios corruptos, y un d'éls li diz Cordona que ye qui buscaba. Dimpués li explica que Tuscarora, que ye qui ha dau l'aviso, tien problemas. Alavez, McNally, Cardona y la mesacha marchan enta lo lugar a on i vive Tuscarora, a on trobaran que lo traidor ye un antigo sarchento que s'ha convertiu en l'amo d'o lugar con os diners ganaus con a suya traición.
A cinta s'ambienta en os anyos 1860 mientres a Guerra Civil d'os Estaus Unius y en Texas en ixa mesma decada en os anyos posteriors a la guerra, y las suyas escenas se filmoron en Arivaca, Ruby, Tucson, Tumacacori y atros puestos d'Arizona en os Estaus Unius y en Cuernavaca en Morelos y Bacerac y Bavispe en Sonora en Mexico.[2]
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ 1,0 1,1 (en) Enguero de Rio Lobo en Internet Movie Database.
- ↑ (en) Localizacions de Rio Lobo en Internet Movie Database.
- ↑ (en) Rio Lobo en Internet Movie Database.
Vinclos externos
editar- (en) Rio Lobo en Internet Movie Database.
- (en) Rio Lobo en TCM Movie.
- (en) Rio Lobo en l'American Film Institute Catalog de l'American Film Institute.
- (en) Rio Lobo en Rotten Tomatoes.
Datos: Q673437
