Radio de van der Waals

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

O radio de van der Waals ye o radio d'una esfera solida imachinaria eemplegata ta modelizar l'atomo.

Os gases reals no se comportan exactament tal y como se predició en o modelo de gas ideyal, podendo estar a desviación considerable en bells casos. Asinas, por eixemplo, os gases ideyals no presentan transicions de fase liquida u solida, independientment d'o descenso de temperatura u incremento de presión a que sían sozmesos.

Una d'as modificacions d'a lei d'os gases ideyals, proposata por o fisico neerlandés Johannes Diderik van der Waals, ye a eqüación d'estato de van der Waals, que introduce dos parametros a y b obtenitos experimentalment y que penden d'a naturaleza d'o gas. O factor de corrección b denominato volumen d'exclusión, fa referencia tanto a o volumen propio d'os atomos, como a o volumen circumdant en que no puet haber-ie atros porque a ista distancia predominan as fuerzas de repulsión entre os atomos d'o gas (fuerzas de van der Waals).

Una vegata conoixita a valura d'o volumen d'exclusión, obtenendo experimentalment ta achustar a eqüación de van der Waals a o comportamiento real d'o gas, o radio r puet obtener-se d'a eqüación:

$b={\frac {16}{3}}\pi N_{a}r^{3}$

a on:

• N_a ye o numero d'Avogadro, y
• r ye o radio de van der Waals.

Se veiga tamién

• Radio atomico
• Radio covalent
• Radio ionico