Solido

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Iste articlo ye sobre o estato d'a materia. Se veiga solido bizantín ta a moneda.

Solido ye un estato d'a materia que ye caracterizato por un volumen y forma definitos; un solido ye resistent a la deformación, a cambear a suya forma y volumen. Presentan poca tendencia a la dilatación y a la compresión.

Cubo de chelo que ye l'augua en estato solido.

O solido ye un estato d'a materia en que as moleculas que la composan, debito a las fuerzas de codesión, tienen un movimiento entre ellas muit restrinchito, limitato a una vibración arredol d'una posición d'equilibrio fixa. Quan un solido ye formato por moleculas repartitas regularment en o espacio, de manera que ye posible definir un vector constant que premite pasar d'un punto a un atro, se diz que o solido ye un cristal u que ye cristalizato (quan bi ha un cierto orden, encara que no bi ha una regularidat en o rete, se parla de quasi-cristal).

Atros, tienen os suyos components aleatoriament redamantos por a masa que constituye o cuerpo y se dicen amorfos, como ye o caso d'o vidre, a fusta, o nylon, etc. De feito, nomás os cuerpos cristalins se consideran solidos en o estudio d'iste estato d'agregación d'a materia, mientres que os amorfos son consideratos liquidos de gran viscosidat.