Río Gas

Gas
Administración
Estaus {{{estaus}}}
Territorios Flag of Aragon.svg Aragón
Cheografía
Longaria  km
Altaria d'o naixedero  m
Naixedero Guasa
Desembocadura Río Aragón en Chaca
Superficie d'a cuenca km²
Cabal meyano m³/s
Mapa
Situación Río Gas.png
O Gas en Aragón

O Gas ye un río aragonés situau en o termin municipal de Chaca (Chacetania). Discurre entre a localidat de Guasa y o centro urbán de Chaca, a on desemboca en o río Aragón. Ye trescruzau por o puent d'a Lana, un antigo puent medieval reformau en primerías d'o sieglo XX que comunica as dos localidatz.

As suyas riberas forman un espacio ecolochico de gran valura, protechiu como zona especial de conservación en estar un soto de ribera pirenenco bien conservau.[1] As riberas tienen poblacions de chopos (Populus nigra y Populus alba), salces (Salix alba y Salix eleagnos), fraixíns y caixicos, asinas como chunco y canyas (Juncus y Phragmites) en as zonas de sedimentos aluvials.[1] Dillá d'a suya valura botanica, istos espacios son l'habitat de diferents especies d'invertebraus. Cal nombrar a o Lucanus cervus, mayor escarbacho europeu y especie protechida.[2]

Ye amás un d'os cursos fluvials protechius en a zona pa la protección de peixes de río endemicos.[2] En o río Gas s'han detectau Parachondrostoma miegii y Achondrostoma arcasii, endemismos d'a cuenca d'Ebro en retacule, y Cobitis calderoni más estendillau por a peninsula iberica pero igualment en retacule.[2] S'han avistau igualment loiras en o río.[2]

Amás, a protección d'o espacio tamién encluye a suyo valor como habitat pa 38 especies d'aus protechidas en Europa, d'as que 7 tienen un estau de conservación desfavorable.[2]

ReferenciasEditar


Afluents d'o río Aragón
Marguin izquierda Ixuez · Gas · Onsella · Regal
Marguin dreita Lubierre · Estarrún · Aragón Subordán · Veral · Esca · Irati · Cidacos · Arga