Abrir menú principal

Lo dreito de pontache (en ortografía medieval pontage) estió un treudo que pagaban en la Edat Meya europea totas las presonas que cruzasen un puent, en función de lo puesto on residiban, lo numero y los biens que levaban.

Mientres lo feudalismo, estió un instrumento de financiación de los nobles en las tierras de lur propiedat y que los vasallos heban de pagar. Ixos que residiban en la senyoría, u yeran exentos u pagaban menos. Manimenos qui veniba d'atras tierras heba de pagar cantidatz mayors. Con la progresiva desaparición de lo rechimen feudal, lo pontache se redució a lo pago d'un treudo en los puents de las grans vías de comunicación entre poblacions, y no s'aplicaba pa ixos que i heba dentro las poblacions, fueras de bells casos.

Por extensión, dende los sieglos XV y XVI se diciba asinas a tota exacción que se cobraba a los ciudadans que no yeran d'una villa u ciudat y que cruzaban lo río, encara que no fuese por los puents, esdevenindo un treudo pa plegar a los mercatos publicos.

En textos medievals en aragonés bi ha muitas referencias a pontaches. Por eixemplo en los contos d'un viache de 1366 dende Teruel dica Barcelona se leye pague al pontage quan cruzan l'Ebro en Zaragoza enta Alfacharín.[1]

ReferenciasEditar

  1. Antonio Gargallo Moya, María José Sánchez Usón: Cuentas de un viaje en el s. XIV: De Teruel a Zaragoza y Barcelona en 1366. Revista Teruel, nº 71, chinero-chunio de 1984, p 101.