Penal (arquitectura)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un penal u penalera (en belsetán pennalera) ye una forma de rematar as fronteras d'os edicificios con lenatos a dos auguas de loseta u es tellatos de tella pa guardar-los contra l'arranque de partes por o viento. Os lenatos de lenastra, en estar un material mas pesau, no sole caler protecher-los como ixes u en hai prou con atras mesuras, como doblar o peso metendo-les pirols u piedras alto.

Un penal en Ancils, val de Benás, Ribagorza.

Ye una prolargación de la frontera, que gosa superar en altaria la cuminera d'o tellau, que ye a parte mas vulnerable contra os bufidos de l'aire, y d'esta traza fa que as turberas mas violentas no en puedan rancar piezas. A presentación mas tipica ye con una forma d'escaleras.

Se'n sole trobar en puestos ventosos u aon o viento puede pillar mas fuerza, como lo fondo d'as vals d'o Pireneu axial aon que l'aire de puerto puede estar a-saber-lo violento, u en aldeyas apegadas a cillos u parez de penya contra la cual l'aire troba un efecto embudo y puede bufar bien firme.

Se veiga tamién

• Pirol.
• Branquil.
• Cuairón.

• Datos: Q97484734