Pedro Santisteve
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Pedro Santisteve Roche | |
|---|---|
.jpg) Santisteve en setiembre de 2015. | |
| 13 de chunio de 2015 – 15 de chunio de 2019 | |
| Precediu por | Juan Alberto Belloch |
| Succediu por | Jorge Azcón Navarro |
| Naiximiento | 28 de mayo de 1958 Zaragoza, Aragón
|
| Partiu | Zaragoza en Común |
| Profesión | Avogau penalista, profesor y politico |
| Alma Máter | Universidat de Zaragoza |
Pedro Santisteve Roche (Zaragoza, Aragón, 28 de mayo de 1958) ye un avogau penalista, activista social, profesor universitario y politico, que se convertió en alcalde de Zaragoza o 13 de chunio de 2015 con os votos d'os concellers de Zaragoza en Común (ZeC), PSOE y Chunta Aragonesista (CHA).[1].
Biografía
editarSantisteve se licenció en Dreito y exerce dende 1984 como avogau penalista. S'ha destacau por a suya critica a lo sistema penitenciario actual y por a defensión d'os dreitos d'as personas engarcholadas. Ye fundador de l'Asociación de Seguimiento y Emparo a Presas y Presos en Aragón (ASAPA), que en 2000 recibió d'a Deputación Cheneral d'Aragón a Medalla a lo Merito Social. Dende lo decenio de 1990, ye profesor en a facultat de Dreito d'a Universidat de Zaragoza.[2]
Alcalde de Zaragoza
editarA dentrada de Santisteve en politica prencipió con o movimiento d'o 15-M. En 2015 resultó ganador d'o proceso de primarias de Ganemos Zaragoza, en o cual participoron mas de 3.700 personas.[3] D'iste modo, Santisteve estió o cabeza de lista d'a candidatura d'unidat ciudadana Zaragoza en Común (ZeC), en a cual confluyen movimientos socials, Podemos, Ezquierda Unida, Equo, Puyalón de Cuchas, Piratas d'Aragón, Somos y Demos+.[4] O programa d'a candidatura yera basau en a transparencia, participación ciudadana y una politica social mas ampla. A candidatura liderada por Santisteve obtuvo, en as eleccions monecipals de 24 de mayo de 2015, 80.040 votos (24,57%) y 9 concellers, estando a segunda fuerza politica, por dezaga d'o Partido Popular , con 10 concellers, y por encima d'o PSOE, con 6 concellers; Ciudadanos, con 4, y CHA con 2.[5]
O 13 de chunio de 2015, Pedro Santisteve fue nombrau alcalde de Zaragoza con os votos d'os concellers de Zaragoza en Común (ZeC), PSOE y Chunta Aragonesista (CHA).[1] En o suyo discurso de investidura, Santisteve abanzó que a suya chestión de gubierno tendrá las bases siguients:[6]
- Protección y esfensa d'os dreitos humans y dreitos socials.
- Aturar os desafidamientos de vivienda.
- Plan d'Emerchencia Social, que incluiga un mayor parque publico de viviendas, mesuras contra la malnutrición infantil y contra la pobreza enerchetica.
- Redistribución d'a carga fiscal, a traviés d'una mayor progresividat.
- Apertura d'os consellos d'administración y d'organos retors de cualsiquier entidat monecipal ta cualsiquier miembro d'a sociedat civil.
- Mayor transparencia (Auditoría Monecipal Permanent) y presa de decisions por meyo de procesos de participación ciudadana.
Publicacions
editar- El asalto al estado social y el derecho a la resistencia, en Acciones e investigaciones sociales, n.º 32, Universidat de Zaragoza, 2012, p. 257-270.[7]
Referencias
editar| Predecesor: Juan Alberto Belloch Julbe |
Alcalde de Zaragoza. 2015-2019 |
Succesor: Jorge Azcón Navarro |
Datos: Q20016580
Multimedia: Pedro Santisteve / Q20016580
