Oblivion (cinta de 2013)
- iste articlo ye sobre una cinta de cine de ciencia-ficción de cine estausunidense de l'anyo 2013; ta atros usos, se veiga Oblivion (cinta) y Oblivion.
| Oblivion | |
|---|---|
| Títol | Oblivion |
 Póster d'a cinta. | |
| Ficha tecnica | |
| Dirección | Joseph Kosinski |
| Producción | Joseph Kosinski Peter Chernin Dylan Clark Barry Levine Duncan Henderson |
| Guión adaptau | Michael Arndt Karl Gajdusek |
| Basau en | Oblivion, novela de Joseph Kosinski |
| Musica | M83 |
| Fotografía | Claudio Miranda |
| Montache | Richard Francis-Bruce |
| Actors | Tom Cruise Andrea Riseborough Olga Kurylenko Morgan Freeman Nikolaj Coster-Waldau |
| Datos y cifras | |
| País(es) | Estaus Unius |
| Anyo | 2013 |
| Debantadera | 26 de marzo de 2013  Buenos Aires (Archentina)[1]10 d'abril de 2013  Los Angeles (California, Estaus Unius)[1]19 d'abril de 2013 Estaus Unius[1]
|
| Chenero(s) | Cine de ciencia-ficción |
| Durada | 125 min. |
| Idioma(s) | Anglés |
| Companyías | |
| Productora(s) | Relativity Media Chernin Entertainment Monolith Pictures Radical Studios |
| Distribución | Universal Pictures |
| Presupuesto | 120 millons de dólars |
| Informacions en bases de datos especializadas: | |
           
| |
Oblivion (títol orichinal en anglés, en aragonés Olviu, enguerada en Aragón con o suyo títol orichinal) ye una cinta de cine estausunidense de cine de ciencia-ficción de l'anyo 2013, dirichida por Joseph Kosinski[2] y producida por Peter Chernin ta las productoras Relativity Media, Chernin Entertainment, Monolith Pictures y Radical Studios. Conta con un guión adaptau por Karl Gajdusek y Michael deBruyn (basau en Oblivion, una novela d'o mesmo Joseph Kosinski que encara no heba publicau), y protagonizada por l'actor Tom Cruise en o paper prencipal chunto a Olga Kurylenko, Andrea Riseborough, Morgan Freeman y Nikolaj Coster-Waldau en papels segundarios.
Oblivion, basada en a novela grafica inedita de Kosinski d'o mesmo nombre, rinde homenache a las cintas de ciencia-ficción d'os anyos 1970.
Oblivion s'esyece en 2077, en una Tierra arranada por a guerra con os extraterrestres que ha provocau que la Humanidat se treslade enta Titán. A cinta sigue la historia de Jack Harper, un tecnico que ha estau ninviau de tornada a la Tierra pa dar servicio a los drons emplegaus en a luita contra los extraterrestres restants ("car"nucers). Dimpués de presenciar l'accident d'una nau espacial, d'o cual puede rescatar a un solenco sobrevivient, Harper ye capturau por os carnucers y luita contra una nueva menaza alienichena en evolución.
Oblivion estió enguerada en IMAX por Universal Pictures o 19 d'abril de 2013;[1] manimenos tenió o suyo enguero mundial en Buenos Aires o 26 de marzo de 2013.[1] A cinta recibió criticas mixtas d'os criticos y replegó 286 millons de dólars en tot o mundo, con un presupuesto de producción de 120 millons de dólars.
Elenco
editar- Tom Cruise como Jack Harper''.
- Morgan Freeman como Malcolm Beech.
- Olga Kurylenko como Julia Rusakova Harper.
- Andrea Riseborough como Victoria "Vika" Olsen.
- Nikolaj Coster-Waldau como sarchento Sykes.
- Melissa Leo como Sally.
- Zoë Bell como Kara.
Argumento
editarPal o 14 de marzo de 2077, Jack Harper y Victoria “Vika” Olsen se troban entre os poquez humans que quedan en a Tierra. Sesenta anyadas antis, una raza de carnucers alienichenas destruyó la Luna y invadió la Tierra; la humanidat ganó ixa guerra, pero as `armas nuclears y a perda d'a Luna deixoron a mayor parti d'a planeta inhabitable. Con Vika como o suyo oficial de comunicacions, Jack sirve como "Tech 49", reparando os drons de combate que cazan a los carnucers restants y protechen os cheneradors hydrorig que converten l'augua de mar en enerchía de fusión. Dirichius por a directora d'a misión Sally dende a bordo d'a estación espacial Tet que orbita a Tierra, luego partirán enta o nuevo fogar d'a humanidat en Titán. Encara que as suyas memoranzas han estau borradas, Jack tien suenios recurrents d'una vida antis d'a guerra con una muller desconoixida.
En explorar as ruinas d'a Biblioteca Publica de Nueva York, Jack escapa a pocas d'una emboscada de carnucers. Dimpués de que se destruye un hidrorig, descubre que os carnucers son usando l'antena de l'Empire State Building pa transmitir coordenadas a l'espacio exterior. Dimpués de desactivar o transmisor, visita a suya cabana secreta plena de memoranzas d'o pasau d'a Tierra. Un obchecto desconoixiu s'estampa en as coordenadas transmitidas; entre as restas, Jack troba a cinco humans en cameras d'estasi, incluida la muller d'os suyos suenios. Os drons matan a los humans que hibernan, pero Jack proteche a la muller y la leva enta la suya base. Él y Vika reviven a la muller y descubren que o suyo nombre ye Julia, en dar-se cuenta de que yera en estasi a bordo d'a suya nau Odyssey dende antis d'a guerra.
Jack y Julia tornan a lo puesto de l'accident y recuperan a gravadora de vuelo de l'Odyssey, pero son capturaus por carnuzcrs y levaus a lo Complexo Raven Rock Mountain. O suyo lider, Malcolm Beech, revela que os carnucers son humans, disfrazaus pa remanir amagaus d'os drons. Unatro dron ataca, y Beech libera a Jack y Julia pa descubrir a verdat en a "redolada de radiación". Julia revela que ye a esposa de Jack, lo que dispierta as suyas memoranzas de proposar-le matrimonio en l'Empire State Building.
Vika ninvia una nau pa recuperar a Jack y Julia, pero se sorprende en veyer-los reunius. Ella alerta a Sally, qui activa un dron que mata a Vika antis de que Julia lo destruya. Jack y Julia escapan en a suya nau y destruyen a los drons que los encorren, pero se veyen obligaus a salir eyectaus sobre a redolada de radiación. Unatro tecnico, "Tech 52", qui se reveló como un clon de Jack, plega pa reparar os drons. Jack l'incapacita, pero Julia recibe un disparo, y Jack vola enta la base d o suyo clon en busca de subministros medicos, enganyando a un clon de Vika fendo-le creyer que él ye a suya versión de Jack. Leva a Julia a la suya cabana, an se recupera y tornan a consumar o suyo matrimonio.
Tornan enta la base de carnucers, y Beech explica que o Tet ye una intelichencia artificial alienichena: decidiu a adquirir os recursos d' a Tierra y rematar con la humanidat, destruyó a Luna y invadió la Tierra con un exercito de drons y os clons de Jack; A victoria d'a humanidat y la fuyida enta Titán ye una ficción de Tet. Jack reprograma un dron capturau pa sabotiar o Tet, pero mas drons atacan a base, deixando a Beech grieument feriu y o dron capturau danyau sin posibilidat de reparación.
Jack s'ufre como voluntario pa levar a Julia a lo Tet, lo que le permite infiltrar-se en a estación espacial y esclatar as celulas de combustible nucleyar de l'Odyssey. En o camín, Jack descubre a verdat en a gravadora de vuelo de l'Odyssey: él yera o comandant d'una misión d' a NASA pa explorar Titán, con Vika como o suyo copiloto, Julia como miembro d' a tripulación y Sally como a suya directora de misión en a Tierra. Dimpués de que a suya nau Odyssey estase esbarrada pa investigar o Tet, Jack albandonó o modulo d'hibernación, lo que permitió que Julia y a tripulación hibernant finalment tornasen enta la Tierra, mientres que que él y Vika estioron capturaus y clonaus.
En o present, Jack ingresa a lo Tet, trobando-ne-ie mils de clons d'él y Vika en estasi. Enfrontinau por a prochección de Sally d'o Tet, Jack ubre a camera d'estasi pa revelar a Beech; Julia estió ninviada sana y salva a la cabana. Jack y Beech esclatan a suya bomba, sacrificando-se pa destruir o Tet. Tres anyos dimpués, Julia dio a luz una filla de Jack. Se troban con os miembros sobrevivients d'a resistencia, acompanyaus por Tech 52, que ha recuperau os verdaderos recuerdos de Jack.
Se veiga tamién
editarReferencias
editar- ↑ 1,0 1,1 1,2 1,3 1,4 (en) Enguero d'Oblivion en Internet Movie Database.
- ↑ (en) Joseph Kosinski en Internet Movie Database.
Vinclos externos
editar- (en) Oblivion en Internet Movie Database.
- (es) Oblivion en FilmAffinity.
Datos: Q638544
