Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Reyal estió una villa medieval que se situaba en l'actual Campo Reyal,[1] lugar de Sos d'o Rei Catolico, en a comarca de Cinco Villas.

O Reyal
Despoblau medieval d'Aragón
Entidat
 • País
 • Provincia
 • Comarca
 • Municipio
Despoblau medieval
 Aragón
 Zaragoza
Cinco Villas
Sos d'o Rei Catolico
Partiu chudicial Exeya d'os Caballers
Población
 • Total

0 hab.
Coordenadas
O Reyal ubicada en Aragón
O Reyal
O Reyal
O Reyal en Aragón

Toponimia editar

En os textos medievals escritos en aragonés s'escribe El Reyal, La Reyal, El Real y La Real. Ye un toponimo transparent en aragonés, un adchectivo sustantivizau que indica o que pertanye a lo rei u a reyaleza (u que i tiene relación), y que deriva d'o latín REGALIS. L'orichen d'este toponimo ye o nombre d'una finca homonima que estió sinyoría d'os Sada.[2]

Veyemos a forma femenina con epentesi (La Reyal), en un texto de l'Archivo de la Corona d'Aragón sobre rendas de diferents lugars escrito en catalán, dimpués de rendes de Sos y antes de Hisurre, encara que tamién ye latinizau como Regali prope Sangossam:[3].

Veyemos a forma masculina con epentesi en un texto relativo a lo comercio medieval.[4]

Item, lo collidor d'El Reyal XII lb. XII s. V miga / Item, lo collidor del Bayo...

Cheografía editar

Os suyos termins son conoixius por un texto escrito l'11 de chunyo de 1488 en Sigüés:

Item mas, la villa d'El Real con todos sus lugares y aldeas, terminos e montes, segunt mas largament se demuestra por el privilegio que ellos tienen real, la qual dicha villa y sus aldeas conffrontan a las partes del regno de Navarra con los terminos del lugar de Exavierre y con los terminos del lugar de Yesa, y con los terminos de la villa de Sanguesa y con el rio de Aragon, y con los terminos del lugar de Penya. Et a la part del regno de Aragon conffronta con los terminos de la villa de Sos y con los terminos del lugar de Urries, y con los terminos de la villa de Tiermas, y con terminos de la villa de Ruesta.[5]

Historia editar

A primera mención ye de l'1 de chulio de 1208:

ego Garcias Eximini notarius publicus de La Real...

O 13 de marzo de 1301 o rei Chaime II d'Aragón ordenó que os habitadors d'Ull y Filera se transladasen a un puyalón con una fuent que bi heba entre as dos poblacions y a on se construyó una nueva población dita La Real. Seguntes Antonio Ubieto Arteta estió un termin de Salvatierra d'Esca, manimenos as fuents medievals lo gosan mencionar siempre con Sos d'o Rei Catolico y con Sangüesa, sobre tot dende l'anyo 1430, cuan Alifonso V d'Aragón la vendió a a los churatos de Sos d'o Rei Catolico.

En as Corz d'Alcanyiz de 1436 mencionan El Real como una pertenencia d'a de Sos d'o Rei Catolico y como un puesto de cobro de peaches:

La dita villya de Sos e la villya d'El Real, a la qual yes de la villa de Sos, son del regno d'Aragon e pobladas en la frontera de Navarra, enta la partida de Sanguessa...
El qual peage se culle en el dito lugar d'El Real e en sus terminos...

L'1 de setiembre de 1464 Chuan II d'Aragón donó esta localidat a Ferrando d'Alvarado.

Referencias editar

  1. Ana Isabel Lapeña Paúl: Salvatierra de Escá: Una aproximación a su historia y patrimonio artístico. Diputación de Zaragoza 2009. pp 155-156
  2. Marcelino Cortés Valenciano Toponimia de las Cinco Villas de Aragón. Institución Fernando el Católico, 2010 p 217
  3. Manuel de Bofarull i de Sartorio Rentas de la antigua Corona de Aragón, adintro de Colección de documentos inéditos del archivo de la Corona de Aragón, publicada de real orden por su archivero, don Manuel de Bofarull i de Sartorio Tomo 39. Barcelona, 1871. p 156, p 342
  4. Susana Lozano Gracia Fraudes y licencias en el comercio aragonés a mediados del siglo XV p 154
  5. (es) Juan Abella Samitier: Selección de documentos de la villa aragonesa de Sos (1202-1533). Fuentes históricas aragonesas, 48. INSTITUCIÓN «FERNANDO EL CATÓLICO» (C.S.I.C.)
Lugars desapareixius de Sos d'o Rei Catolico
O Reyal | Ull