Naturismo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O naturismo u desnudismo ye un movimiento social, cultural y politico en o cual diversos grupos de personas (clamaus "nudistas" u "naturistas") practican distintos tipos d'actividaz despullaus sin conteniu sexual. Os nudistas tractan d'expresar en libertat lo suyo dreito a estar despullaus y amostrar lo suyo respecto a lo medio ambient.
En Europa editar
Aragón editar
En Aragón i hai bels 85 naturistas asociaus en a Anar (Asociación Naturista de Aragón).
Alemanya editar
En Alemanya a primers d'o sieglo XX florió una cultura naturista que estió eliminada con a plegada d'o partiu nazi enta lo poder. Dimpués d'a Segunda Guerra Mundial, o naturismo (en alemán "Freikörperkultur" (FKK)) experimentó un gran auche especialment en l'Alemanya de l'Este. En as anyadas de 1970 i heba bellas 150.000 personas asociadas, actualment s'estima en bellas 50.000.
Austria editar
En Austria lo naturismo remaneix relativament popular con numerosos lacos y ríos con puestos dedicaus a ixa actividat.
Espanya editar
En Espanya i hai 2.000 personas asociadas a bel club naturista. A Federación Española de Naturismo ye una organización no gubernamental que agrupa a diferents Asociacions Naturistas-Nudistas d'o estato espanyol. Se calcula que bels dos millons de personas practican lo desnudismo en Espanya, d'as cuals tres cuatrenas partes son extranchers.[1]
Catalunya editar
En Catalunya lo naturismo vivió un gran empentón mientres as anyadas de 1920 per parte d'o grupo "Amics del Sol". Actualment i hai uns 1.000 naturistas asociaus. Existe una Federació Naturista-Nudista de Catalunya (FNNC), que ye formada per cuatro asociacions fundadoras: Associació d'Amics de la Platja Naturista del Torn (AAPNT), Associació Club Català de Naturisme (CCN), Associació Nudista de Catalunya (ANC) y Associació Naturista de la Platja de l’Aiguadolç (ANPA).
Pais Basco editar
Toz os anyos dende 1999 se celebra en a localidat de Sopelana, Bizcaya, la corrida u cursa nudista de "Sopelana – Trofeo Patxi Ros" en a cual participan una meya de 40 corredors.
Croacia editar
O desnudismo ha estau popular en Croacia dende los anyos 1930 y fue lo primer pais europeu en creyar los resorts naturistas. Actualment constituye lo 15% d'a suya industria turistica.
Francia editar
O naturismo en Francia emplega a mas de 3.000 personas y s'estima que chenera una valor de 250 millons d'euros.
Dinamarca editar
Toz los anyos en o marco d'o festival de Roskilde en a localidat danesa d'o mesmo nombre se celebra la "Naked run" con gran participación en a cual los ganadors reciben una dentrada gratis pa lo festival d'o siguient anyo.
En America editar
Estaus Unius editar
O festival Burning Man que se celebra en o Black Rock Desert en Nevada ye conoixiu per permitir participar despullaus como parte d'o dreito a l'auto-expresión.
Mexico editar
A placha Zipolite ye la sola placha nudista en tot Mexico. En a resta d'o pais ye condenada per lei.
En Asia editar
O despullato en publico no ye tolerau y en muitos paises d'esta rechión d'o mundo o desnudismo ye considerau tabú u ye prohibiu.
Referencias editar
- ↑ (es) El turismo naturista, un filón a explotar. El País. 14 d'agosto de 2016
Vinclos externos editar
- (es) https://www.anarnaturismo.com/ Asociación Naturista de Aragón (ANAR)
- (ca) https://web.archive.org/web/20190825163428/https://www.fnnc.cat/ Federació Naturista-Nudista de Catalunya (FNNC)
- (es) https://naturismo.org/fen/ Federación Española de Naturismo