Morlaza
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A morlaza (morlasca en benasqués) ye un instrumento cirurchico de madera que s'emplegaba ta capar os animals domesticos. Consiste de dos piezas de matiera semicelindricas, d'un palmo u palmo y meyo de largaria, que son chunitas per un d'os cabos con una punta roncha u altro mecanismo con a capacidat de fer d'alguaza, y per o cabo contrario un forato u salient que permetese ligar-ie con fuerza una cuerda u cordel arredol d'as dos piezas, en apretando-las con fuerza.
La suya función yera de escanyar o puent d'entre os testiclos de l'animal y o suyo cuerpo, apretando-se alavez con a cuerda o mecanismo, y impidendo a circulación d'a sangre per obliteración (estrangulación) d'os vasos sanguineyos y d'os conductos chenitals. Asinas, se podeba ubrir o escroto y quitar-ne os testiclos sin que l'animal se morise esangrato.
O mecanismo, encara que reduciba o periglo que l'animal se i morise, le feba un mal extremo como se puet pensar, y s'heba de tener bien inmobilizata a la bestia ta que no calceyase u se removese en o procedimiento.
Altros modelos de morlazas mes chicotas s'emplegoron tamién en a China imperial y en a Italia renaixentista ta capar ninos pre-adoleixents que podesen estar funcionarios imperials en o primer caso, u cantaires castrati en o segundo.
Vinclos externos
editar
Datos: Q8187421
