Mont Tongariro
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Tongariro | |
 | |
Situación
| |
| Situación |  Nueva Zelanda
|
| Latitut | 39°08′00′′S |
| Lonchitut | 175°38′30′′E |
| Vértiz cheodesico | Error d'expresión: operador / no asperau/0.pdf |
Cheografía
| |
| Cordelera | |
| Sierra | |
| Macizo | |
| Altaria | 1978 m |
| Primera puyada | |
| Ruta mas fácil | |
Mapa
| |
  | |
O mont Tongariro (pronunciau en anglés /ˈtɒŋgəˌrɛ.roʊ/ y en maorí /tɔŋaɾiɾɔ/) ye un complexo vulcanico situau en a zona vulcanica de Taupo en a Isla d'o Norte de Nueva Zelanda. Se troba a 20 km a o sudueste d'o laco Taupo y ye o mas septentrional d'os tres vulcans activos que dominan o paisache d'o centro d'a Isla d'o Norte.
Cheolochía editar
O mont Tongariro fa parti d'o centro vulcanico de Tongariro, que consiste en cuatre macizos feitos d'andesita: Tongariro, Kakaramea, Pihanga, y Ruapehu.[1] As erupcions andesiticas formoron Tongariro, un altero estratovulcán, que tien una altaria de 1.978 m. Tongariro ye formau por capas de lava y tefra y erupcionó por primera vegada fa 275.000 anyos.
Tongariro ye formau por a o menos 12 conos. O Ngauruhoe, encara que se considera a sobén como un atra montanya, ye cheolochicament un cono d'o Tongariro. Ye amás o conducto mas activo, habendo erupcionau mas de 70 vegadas dende 1839, a zaguera entre 1973 y 1975.[2]
Tamién s'ha rechistrau actividat en atros d'os suyos conductos en a historia recient. Os craters de Te Māri erupcionoron en 2012 por primera vegada dende 1897. O Red Crater tenió una erupción de cenisa en 1926 y contiene fumarolas activas. Bi ha muitos craters derivaus d'explosions en o macizo; beluns d'éls cubiertos por l'augua ta formar o Blue Lake y os Emerald Lakes.
Referencias editar
- ↑ (en) "Andesites of the Tongariro volcanic centre, North Island, New Zealand", J.W. Cole, Journal of Volcanology and Geothermal Research, 3, marzo de 1978, pach. 121–153, DOI 10.1016/0377-0273(78)90007-0
- ↑ (en) Historic volcanic activity: Tongariro and Ngāuruhoe. Eileen McSaveney, Carol Stewart, Graham Leonard, Te Ara - the Encyclopedia of New Zealand. 5 de noviembre de 2007
Vinclos externos editar
Se veigan as imáchens de Commons sobre o mont Tongariro.
