Michalovce

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Michalovce (dica 1927 Michaľovce, en hongaro Nagymihályen, en alemán Großmichel) ye una ciudat situada a l'este d'a Republica de Eslovaquia. Ye o centro natural, economico y cultural d'a rechión historica de Zemplín y se troba en a rechión administrativa de Košice.

Michalovce
Localidat d'Eslovaquia
Michalovce
Estau  • Rechión  • Rechión historica  • Districtos	Eslovaquia Košice Zemplín Michalovce
Superficie	52,81 km²
Población  • Total  • Densidat	39151 hab. (2017) 741,36 hab/km²
Altaria  • Meyana	114 m.
Codigo postal	07 101
Ríos	Laborec
Coordenadas
Michalovce Michalovce en Eslovaquia
Web oficial

Población

Seguntes o suyo zaguer censo, a ciudad tien mas de cuaranta y tres mil habitants, adedicaus a la producción de servicios ta cuantos nuclios menors de población en a suya redolada, l'agricultura (cerials, vinyals, piensos, fruitos secos) administrada por meyo de cuantos centros cooperativos, y una diversificada actividat industrial: metalurchica, ceramica, textil, electronica, d'a construcción y de productos alimentarios.

Contexto cheografico

Sobre o suyo nuclio urban, a 114 metros y banyau por o río Laborec, se devantan dos altarias plenas de selvas que definen o paisache ubierto d'a plana natural d'a suya redolada: a forma distintiva d'o tozal Hradok con 163 m, y en os arrdols d'o laco Sirava, a mas ampla de Biela Hora, que puya suaument dica os 159 m.

Historia

O suyo documento fundacional ye datau en 1244, pero en a redolada bi ha testimonios d'ocupación neolitica, d'os invasors celtas, d'a presencia romana y d'a dominación hongara.

En 1867 a villa adquirió a la fin o suyo caracter urbán, como eixe d'os a-saber-los lugarons agricolas d'a comarca y como siede administrativa d'o districto. Toda a suya historia ye bien reflectada en o Museo Municipal instalado en un edificio barroco que fue residencia prencipesca d'a familia Sztaray, que adquiere a suya forma arquitectonica definitiva en primerías d'o sieglo XIX, y a on s'albergan igualment seccions adedicadas a las artes plasticas (con mención especial a o pintor impresionista francés Mousson), a ceramica artistica, a etnolochía y o meyo natural d'a rechión de Zemplín. A ciudad remera o suyo pasau comercial en a Edat Meya con una feria anyal que se celebra mientres dos días en zaguerías d'o mes d'agosto. A suya bandera oficial consta de dos franchas horizontals con as colors amariello y azul.

Vinclos externos

• Se veigan as imáchens de Commons sobre Michalovce.
• (sk) Pachina oficial d'a ciutat.

• Datos: Q460925
• Multimedia: Michalovce / Q460925