Abrir menú principal
Antonio Ebassún, Martincho
Temeridat de Martincho en la plaza de Zaragoza, Goya
Temeridat de Martincho en la plaza de Zaragoza, Goya
Información personal
Calendata de naixencia 9 de marzo de 1708
Puesto de naixencia Flag of Aragon.svg Farasdués
Calendata de muerte 10 d'agosto de 1772
Puesto de muerte 22px Exea d'os Caballers
Ocupación torero
Martincho bulcando un toro, Goya

Francisco Antonio Ebassún Martínez,[1] u Francisco Antonio Bassón Martínez,[2] dito Martincho (naixito de Farasdués —lugarón historico d'Exea d'os Caballers dende 1972— lo 9 de marzo de 1708,[1] - muerto en Exea d'os Caballers, lo 10 d'agosto de 1772), fue un torero aragonés. Ye conoixito, más que más, a traviés d'a serie de gravatos La tauromaquia de Goya.[3][4] Tamién fabla d'ell Nicolás Fernández de Moratín:

Fue insigne el famoso Melchor, y el célebre Martincho con su Quadrilla de Navarros, de los quales ha havido grandes Vanderilleros, y Capeadores, como lo fue, sin igual, el diestrísimo Licenciado de Falces. [5]

BiografíaEditar

Fillo de María Martínez y Martín Ebassún (muerto en 1745), qui yera zapatero y heba estato torero. Antonio Ebassún, antes de prencipiar con os toros, treballó tamién en a zapatería d'o suyo padre. A los quaranta anyos, se casó con una moceta de vente, con qui tuvo quatro fillos. Murió a los 64 anyos de edat en a casa suya d'Exea.

ToreroEditar

La especialidat suya yera afrontinar-se a los toros con fierros en os pietz.[6] Se diz que afinó los pases de capot y que inventó las navarras (ir en endrecera contraria a la d'embestida d'o toro). [7]

Prenió l'alternativa en Madrit en 1750. Por a fama suya y d'a suya quadriella, en 1759 fue achustau ta actuar debant de Carlos III quan vesitaba Zaragoza. Yera a sobén en cartel, dica 1760, en os cosos de Pamplona y Madrit. En Zaragoza, en 1764, inauguró con a suya quadriella la plaza de toros feita construyir por Ramón Pignatelli. De publico, bi yera Goya con 18 anyos que, muito tiempo dimpués, representó en os suyos gravatos las fazanyas de Martìncho: puyato en una mesa, vlincando por encima d'o toro u con grilletz y sentato en una siella.

ReferenciasEditar

  1. Portal taurino: Antonio Ebassum, «Martincho» [2] consulta 29/11/2015
  2. Guillermo Fatás, 'Martincho', Aragoneses ilustres, II, Barcelona, Caja de Ahorros de la Inmaculada, 1985; p. 96-97.
  3. Benjamín Bentura Remacha, Martincho, el primer matador de toros con rostro y biografía, Ateneo Taurino Orson Welles [3] consulta 29/11/2015
  4. Paul Casanova, Pierre Dupuy, Dictionnaire tauromachique, ed. Jeanne Laffitte, Marseille, 1981
  5. Carta histórica sobre el origen y los progresos de las fiestas de toros en España, Madrit, 1777; p. 46.[4] consulta 16/12/2015
  6. Auguste Lafront, Paco Tolosa, Encyclopédie de la corrida, Paris, Prisma,‎ 1950
  7. Robert Bérard, Histoire et dictionnaire de la Tauromachie, ed. Bouquins Laffont, Paris, 2003.