Marráquex

Marráquex (en arabe مراكش; nombre orichinal berber de ⵎⵕⵕⴰⴽⵯⵛ Tamurt n Akkuc) ye una ciudat d'o sudueste de Marruecos, a los pietz d'es Monts Atlas, a 466 m d'altaria. A población estimata en l'anyo 2006 yera de 1.036.500 habitadors.

Marráquex مراكش - Marrakech
Localidat de Marruecos
Mezquita de Kutubia, en a medina de Marráquex, patrimonio d'a Humanidat.
Estau  • Rechión	Marruecos Marráquex-Tensift-Al Haouz
Superficie	6,2 km²
Población  • Total	928850 hab. (2014)
Altaria  • Meyana	466 m.
Alcalde	Fatima-Zahra Mansouri
Codigo postal	40000
Coordenadas	31°37’46’’N 7°58’51’’U
Marráquex Marráquex en Marruecos
Web oficial

Marráquex.

A ciudat fue fundata en 1062 (anyo 454 d'a Echira) per Yusuf ibn Taxfin, primer sobirán d'a dinastía d'os almorabetz.

O suyo soco u mercato ye o más gran de Marruecos, y la suya plaza de Dyemaa el-Fna ye considerata la de más trachín de tota Africa. A ciudat cuenta con dos partis: a Medina y a ciudat moderna. Tien igualment bells molimentos declaratos Patrimonio d'a Humanidat, cosa que la fa o prencipal atractivo turistico d'o país. Fa parte d'a Organización d'as Ciudatz d'o Patrimonio d'a Humanidat.

Toponimia

O suyo nombre berber significa "tierra de Dios". Por a tonalidat royenca d'os suyos molimentos ye conoixita tamién como al-Hamra, ("la roya", a mesma etimolochía que L'Alfambra terolana y o palacio de l'Alhambra en Granada.

En aragonés medieval se deciba Marruecos a esta ciudat, tarcual veyemos en a "Grant Cronica d'Espanya" de Chuan Ferrández d'Heredia:

fue vencido et muerto et aquell Rey aldemon passo dalli la mar et fue a Marruecos q(ue) era cabeça del Regno et passo su siella alli et clamosse miramamolin et onrraua a almohadi assi como ha profecta por que todos los moros de affrica et de aqua mar auia ganado por predicacion et aquesti almohadi fino en marruecos et aq(ue)ll Rey aldemon enterro le cerca dela Ciudat de Marruecos et los moros tenian lo por s(an)c(t)o et adorauan el su sepulcro assi como el de Mafoma

L'antiga adaptación d'o nombre que se li dio a la ciudat en os romances d'a peninsula Iberica, Marruecos, esdevinió lo nombre d'o país actual.

Vinclos externos

• Se veigan as imáchens de Commons sobre Marráquex.

Iste articlo ye un borrador. Enamplando-lo aduyarás a amillorar a Biquipedia.