María de Chipre
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| María de Chipre | |
|---|---|
| Reina consort d'Aragón | |
 | |
| 1315 - 1319 | |
| Predecesor | Blanca de Nápols |
| Succesor | Elisenda de Montcada |
| Naixencia | 1279 |
| Muerte | 1319 Tortosa |
| Enterreco | Seu de Barcelona |
| Conchuche/s | Chaime II d'Aragón |
| Pai | Hugo III de Chipre |
 | |
María de Chipre u María de Lusignan naixita en l'anyo 1279 y muerta en Tortosa en 1319, estió princesa de Chipre y reina consorte d'a Corona d'Aragón entre 1315 y 1319 por su matrimonio con Chaime II d'Aragón.
Biografía
editarFilla d'Hugo III, rei de Chipre y de Cherusalén y d'Isabel d'Ibelín. Yera nieta por vía paterna d'Henrique de Poitiers y Isabel de Lusignan y por vía materna de Guido d'Ibelín y Felipa de Berlais. Chermana d'o senescal de Chipre Felipe d'Ibelín.
O 15 de chunio de 1315 se casó por poders con Chaime II en a seu de Santa Sofía de Nicosia y en persona o 27 de noviembre d'o mesmo anyo en a seu de Chirona. No tenió descendencia.
Sepultura
editar
En morir a reina, o suyo cadáver recibió sepoltura en o Convento de Sant Francisco de Barcelona, a on a o largo d'a Edat Media fuoron apedecaus a-saber-los miembros d'a familia reyal aragonesa, como o rei Alifonso III d'Aragón. Astí permaneixió apedecau o cadáver d'a muller de Chaime II mientres cuantos sieglos, dica que en 1835 o Convento de Sant Francisco fue espaldau, y a mayoría d'as restas d'as personas reyals que se i trobaban, incluyindo a reina María de Chipre, fuoron tresladaus enta a Seu de Barcelona.
En o sieglo XX, as restas d'a reina fuoron ficadas en un sepulcre, en o costau ezquierdo de l'Altar Mayor d'a Seu de Barcelona, a on tamién se troban as restas mortals d'atras dos reinas d'Aragón, a reina Constanza de Sicilia, muller de Pero III d'Aragón, y a reina Sibila de Fortià, quarta muller de Pero IV d'Aragón. En o mesmo sepulcre tamién descansan as restas d'a reina Alionor d'Aragón, reina de Chipre por o suyo matrimonio con Pero I de Chipre, y nieta de Chaime II d'Aragón. Os sepulcres, en os que as restas d'as reinas fueron ficadas en 1998, fuoron realizaus por l'artista catalán Frederic Marès.
Bibliografía
editar- (es) "Sepulcros de la Casa Real de Aragón". Ricardo del Arco y Garay. Instituto Jerónimo Zurita. Consejo Superior de Investigaciones Científicas, 1945. Madrid. OCLC 11818414
| Predecesora: Blanca de Nápols |
Reina consort d'Aragón 1315 - 1319 |
Succesor: Elisenda de Montcada |
Datos: Q195240
Multimedia: Marie of Cyprus, Queen of Aragon / Q195240
