Manuel Ramón Campo Novillas

Manuel Ramón Campo Novillas
Información personal
Calendata de naixencia	1968
Puesto de naixencia	Samianigo
Ocupación	Mayestro d'aragonés

Manuel Ramón Campo Novillas (Samianigo, 1968), diplomato en machisterio por a Universidat de Zaragoza. Treballa de mayestro de aragonés achustato por o Gubierno de Aragón, ha treballato fendo clases en Sobrarbe, en a Chacetania e agora en l'Alto Galligo. Ye miembro d'o Consello d'a Fabla Aragonesa.

Escritor en aragonés, o más prolifico en l'actualidat, con bells mil relatos publicatos en prensa, ye premiato en bells concursos altoaragoneses como "A Carracla" u Premio de Relatos "Luis del Val". Publica tamién articlos en aragonés en a revista Erata de Biescas.

D'entre a suya obra de literatura infantil y chovenil, destacan os relatos curtos: "Toz semos parellanos" (2002), "A ixena" (2002), "Banzo" (2003), "O biello caxico" (2005), "A ulor" (2006), "A broxa e lo diaple" (2007), "Una istoria de onsos" (2009), "No en tienen prou" (2011) u "Balaitús e Cubililla" (2016). Ye coautor de Guía de flores pirenaicas para niños y niñas (2011). Ha coordinato o libro-diccionario infantil L'orache (2016).

Ha publicato dos libros chovenils como Falordietas (2005) e Flor de Falordias (2015); os textos provienen d'una tría d'os que semanalment publica o pediodico chaqués El Pirineo Aragonés do colabora totas as semanas con un articlo en aragonés (más de mil colaboracions publicatas), de contino dende 1998.

Obra

• Falordietas, Comarca Alto Galligo, (2005).
• Flor de Falordias, Editorial Pirineo, (2015).

Referencias

Predecesor: Establita d'o premio

Premio de Relatos "Luis del Val" (en aragonés) 2005 y 2006

Succesor: Mª Pilar Benítez Marco