Luengas de Bavera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

En Bavera se charran amás de l'alemán atras luengas de Bavera. Son prencipalment tres: o bavaro, o suabio y lo franco.

Distribución

O suabio se troba en a parti de Bavera que perteneixe a la rechión historica de Suabia (Schwaben). A buega entre ista luenga y lo bavaro se troba en o clamau "Lechrain", que ye la redolada d'o río Lech, an lo bavaro de Lechrain se troba como luenga de transición entre lo suabio y lo bavaro.
O franco se troba en a parti de Bavera que perteneixe a la rechión historica de Franconia. A buega entre ista luenga y lo bavaro se troba en a cadena montanyosa clamada "Chura de Franconia". O franco charrau en Bavera se puede trestallar entre lo Oberostfränkisch (charrau en as rechions de Alta Franconia y Franconia Meya) y lo Unterostfränkisch (charrau en a rechión de Baixa Franconia).
O bavaro se troba en a resta de Bavera, la rechión orichinal an s'asentoron as tribus bayoarias. Se puede trestallar en tres diferents dialectos: lo bavaro septentrional (charrau en a rechión d'Alto Palatinato), lo bavaro central (charrau en as rechions d'Alta Bavera y Baixa Bavera) y lo bavaro meridional (charrau en a rechión de Werdenfels).

Vocabulario

Iste ye un chiquet eixemplo de vocabulario:

Aragonés	Alemán	Suabio	Bavaro	Franco
martis	Dienstag	Aftermontag	Ertag	Dienstag
mesacha	Mädchen	Mädlein	Dirnlein	Maidlein
fosal	Friedhof	Gottesacker	Freithof	Kirchhof
matón	Quark	Ziger(käs)	Topfen	Zibeleskäs
ruixiar	gießen	netzen	gießen	spritzen
corvachina	Rabe	Rappe	Krähe	Krag
trunfa	Kartoffeln	Bodenbirnen	Erdäpfel	Erdbirnen

Bibliografía

(de) Manfred Renn, Werner König Kleiner Bayersicher Sprachatlas, Deutscher Taschenbuch Verlag, 2006, ISBN 978-3-423-03328-2

Datos: Q261482