Lo chiamavano Trinità...
Lo chiamavano Trinità... (títol orichinal en italiano, en aragonés Lo clamaban Trinidat..., enguerada en Aragón con o suyo títol traduciu enta lo castellano como Lo llamaban Trinidad) ye una cinta de cine italiano de cine de western de comedia (un "spaghetti western") enguerada l'anyo 1970, dirichida por Enzo Barboni seguntes un guión orichinal d'él mesmo, con una banda sonora orichinal de Franco Micalizzi, una dirección de fotografía d'Aldo Giordan y una producción cinematografica d'Italo Zingarelli ta la productora cinematografica West Film. Fan parte de l'elenco d'a cinta, entre d'atros actors, Terence Hill, Bud Spencer, Farley Granger, Steffen Zacharias, Dan Sturkie, Gisela Hahn, Elena Pedemonte, Ezio Marano, Luciano Rossi, Michele Cimarosa, Ugo Sasso, Remo Capitani, Riccardo Pizzuti, Paolo Magalotti, Antonio Monselesan, Gaetano Imbrò y Gigi Bonos. Estió la primera d'una serie de cintas, que continó con ...continuavano a chiamarlo Trinità (1971, Enzo Barboni) y Trinità & Bambino... e adesso tocca a noi (1995, Enzo Barboni), encara que ista zaguera ya sin os suyos principals protagonistas.
Trinidad ye un pistolero con gran habilidat ta emplegar a suya arma, que bel día troba a dos cazadors de recompensas que levan con éls a un mexicano feriu que diz que nomás que yera l'amant d'a muller d'un "sheriff", y cuan os cazadors de recompensas creyeban que podeban matar-lo, ye Trinidat qui los mata a éls, continando lo suyo camín con o mexicano. Toz dos plegan en un lugarón, a on lo "sheriff" local mata a tres hombres que preteneban obligar-lo a liberar a un d'os suyos amigos engarcholaus. Pero Trinidat bie luego resulta estar o chirmano d'o presunto "sheriff", Bambino, que en realidat no ye un "sheriff" so que omás que una persona que ha matau a lo verdadero "sheriff" cuan marchaba enta lo lugar ta prener posesión d'o cargo y que l'ha suplantau mientres aspera que pleguen en o lugar os miembros d's suya banda, fuyius d'a mesma garchola que él. Encara que Bambino pretén que lo suyo chirmano marche a escape d¡o lugar, toz dos colaboran ta luitar contra lo mayor Harriman, un cabalero ganadero de caballos que quiere fer fuera a uns mormons d'as suyas propiedaz ta emplegar-las ta ferrainar a lo suyo propio ganau en ixas tierras. Cuan Trinidad que s'ha enamorau de dos mormonas, pretén que Bambino y la suya banda l'aduyen contra lo mayor Harriman, consigue convencer-lo en decir-les que los caballos no están marcaus y que son de gran valura.
A cinta s'ambienta en bel puesto indeterminau d'Estaus Unius en bel momento indeterminau d'o sieglo XIX, y las suyas escenas se filmoron en L'Aquila (Abruzos) y en os Incir De Paolis Studios en Roma y en bellas atras localizacions en o Lazio, incluyindo-ie Camerata Nuova, toz éls en Italia, y tamién en Almería en Andalucía en Espanya.[2]
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar
Datos: Q598709
Multimedia: Lo chiamavano Trinità... / Q598709
