Lista de reis de Bavera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O títol de rei de Bavera fue levau por miembros d'a casa de Wittelsbach entre 1805 y 1918, calendata en que o reino fue aboliu dimpués d'a Primera Guerra Mundial. En l'Alta Edat Meya, o títol heba estau emplegau por cuantos monarcas d'a Dinastía Carolinchia.

Escudo d'os reis de Bavera.

Corona d'os reis de Bavera

Seguntes o tractau de Pressburg o 26 d'aviento de 1805 entre Napoleón y l'emperador alemán Francisco II, cuantos prencipau aliaus a o primero fuoron puyaus a la categoría de reino. Un d'istos aliaus, o prencipe elector de Bavera, Maximilián I, asumió l'1 de chinero de 1806 o títol de rei de Bavera.

Os succesors de Maximilián resistioron tot o que pudioron a o movimiento nacionalista alemán que apareixió en l'anyo 1813 cuan Napoleón fue redotau en iste país. Bavera se convirtió en o protector de beluns d'os chicoz estaus alemans que basculaban entre Austria y Prusia, potencias que refirmoron mientres cuantas decadas a capitalización d'a unidat alemana. Os lazos relichiosos (Bavera yera un estau catolico) amanoron a o reino ta Austria, por o menos dica a redota d'ista en a guerra austro-prusiana de 1866. O rei Loís II sinyó un tractau d'alianza con Prusia o 22 d'agosto de 1866, que de feito convirtió a Bavera en un estau satelite de Berlín.

O tractau d'o 23 de noviembre de 1870 integró a Bavera a l'Imperio Alemán, ta par d'alavez en guerra con a Francia de Napoleón III, encara que permitió bel grau d'autodeterminación. Os reis de Bavera mantenioron os suyos títols, una diplomacia deseparada d'a imperial y un exercito propio. Cuan o Segundo Imperio Alemán fue aboliu en 1918, dimpués d'a Primera Guerra Mundial, fue depuesto o zaguer rei bavaro, Loís III de Bavera.

Reis carolinchios de Bavera

• Loís o Chermanico 817-876
• Carlomán de Bavera 876-879
• Loís o Choven 879-882

Dimpués d'o reinau de Loís o Choven, Bavera torna a estar un ducau.

Reis de Bavera d'a casa de Wittelsbach

• Maximilián I de Bavera 1805-1825
• Loís I de Bavera 1825-1848
• Maximilián II de Bavera 1848-1864
• Loís II de Bavera 1864-1886
• Otón I de Bavera 1886-1913 (muere en 1916)
  • Prencipe Leopoldo de Bavera, Rechent 1886-1912
  • Prencipe Loís de Bavera, Rechent 1912-1913
• Loís III de Bavera 1913-1918

Se veiga tamién

• Lista de monarcas de Bavera

• Datos: Q4389210
• Multimedia: Kings of Bavaria / Q4389210