Dinastía Carolinchia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os Carolinchios estioron una dinastía de reis francos y emperadors fundata por mayordombres de palacio que substituyoron a los reis merovinchios. O Carolinchio mes celebre ha estato Carlos Magno, qui da nombre a la dinastía y fue coronato emperador en l'anyo 800, consiguió que o dominio franco plegase a la suya mayor extensión. Dimpués as división y luitas por o poder enfeblioron a los Carolinchios y fuoron substituyius por os Robertins u Capetos en o Reino de Francia Occidental y por os Otons saxons en o Reino de Francia Oriental que se convertió en o Sacro Imperio Romano Chermanico.

Carlos Magno y lo suyo fillo.

Os Pipins, yeran un linache de mayordombres de palacio orichinario d'a Val de Mosa que dende principios d'o sieglo VIII son qui tienen o poder de verdat en o Reino Franco. Pepín lo Petit depon a lo zaguer rei merovinchio en 751 y prene o poder convertindo-se en o primer rei Carolinchio. D'alcuerdo con a tradición franca o reino se divide entre os fillos: Carlos Magno y Carlomán, que morirá en 711, quedando Carlos Magno como o solo sobirán.

Carlos Magno ye qui da nombre a la dinastía, reina dende 711 dica 814, y en o suyo reinato bi ha una politica expansiva. Conquier o reino longobardo en 774, organiza espedicions ta o sud d'os Pirineus y establix a Marca Hispanica, derrota de pa cutio a os avaros y s'anexiona Bavera, y sozmete a os saxons en una serie de campanyas. O Papa lo nombró emperador en l'anyo 800 con o que o reino Franco y a Ilesia se refirman entre ellos.

Dimpués d'a muerte de Carlos Magno se sigue a tradición franca de divisions entre os succesors pero s'alcuerda que només un d'ellos tienga o títol d'emperador e con ixo mande mes que os atros pa evitar guerras, que de feito se producirán. Carlos Magno ye succedito como "Rei de los Francos" y como "Emperador d'Occident" por lo suyo fillo Loís o Piadoso. O tractau de Verdún de 843 divide o dominio carolinchio entre os nietos de Carlos Magno:

• A Loís o Chermanico li toca Chermania, conoixita como Francia Oriental, o territorio a l'este d'o Rin.
• A Carlos o Calvo li toca a Francia Occidental, a l'ueste d'os ríos Escalda, Mosa, Saona y Roine.
• A Lotario li toca o títol d'emperador y o territorio entre os dos anteriors: o Reino de Borgonya, o Norte d'Italia, y un territorio entre o Rin y a Escalda que en o futuro se conoixerá como Lotarinchia.

O títol d'emperador desapareixerá en l'anyo 924, prenendo-lo dimpués os Otons.

Carolinchios en fuents aragonesas

En a obra d'Heredia bi ha referencias a Carles Magno, sobretot en a "Cronica de los Conquiridors". En o "Liber Regum" en fan una chenealochía rudimentaria a la fin d'o libro:

[Fol. 35 r.] [E]st es el lignage de los reies de França. Vi fueron antes de Charle Mayne ; pues de Charle Mayne tro agora. [U]n rei ouo en França antes que fuesse de xianos, qui ouo nomne Moroueus ; fo del lignage del rei Prianç de Troia. [E]st Moroueus ouo fillo al rei Cilderich. L rei Cilderich ouo fillo al rei Clodoueo. [A]d est rei Clodoueo baptizólo Sant Remigii e fo xiano. Alli en acha fo França en poder de xianos. [E]l rei Clodoueo ouo fillo al rei Clotario. [E]l rei Clotario ouo fillo al rei Cilperich, [E]l rei Cilperich ouo fillo a Clotario el segundo. [E]st rei Clotario ouo fillo a Dagobert. [E]l rei Dagobert ouo fillo a Clodoueo el segundo. [E]st rei Clodoueo ouo tres fillos de sancta Baltilde la reina. [E]l uno ouo nomne Clotario el iouen. [E]l otro, Cilderich. [E]l tercero, Terrin. [E]st rei Terrin ouo fillo a Cildeberth. [E]l rei Cildeberth ouo fillo a Dagoberth el iouen. [E]l rei Dagoberth ouo fillo a Terrin el iouen. [E]l rei Terrin ouo fillo a Clotario el quarto. Pues que traspasso esta generación de Clotario el quarto, [e]l rei Cildeberth ouo fillo ad Arnoldum. [E]st rei Arnoldum ouo fillo a Sant Amolf & otro fillo Mencensem episcopum. [S]ant Arnolf ouo fillo ad Anchises. [E]st rei Anchises ouo fillo a Pepin el maior. [E]l rei Pepin el maior ouo fillo a Charle Marthel. [E]l rei Charle Martel ouo fillo a Pepin lo Petit. [E]st rei Pepin lo petit priso muller la reina Bertha con los grandes pedes, qui fo filla de Floris e de Blancha Flor [e]t ouo en ella fillo a Charle Magne, l emperador de França. [C]harle Magne ouo dos fillos: [e]l rei Lodois [e]t el otro Lois, qui fo emperador de Roma. [E]l rei Lodois ouo fillo a Cario Caluo. [E]l rei Charlo Caluo ouo fillo a Lodois el segundo. [E]st rei Lodois ouo fillo a Charle el Simple. [E]l rei Charle el Simple ouo fillo a Lodois el tercero. [E]st rei Lodois ouo fillo a Clotario. [E]l rei Clotario ouo fillo a Lodois el quarto.

Murie est rei Lodois, e non lexo fillo nenguno. Los franceses leuantaron rei ad Ugon el duc, qui fo fillo de Ugon el grant duc. Qui sestallo la generación de Charles. [E]st rei Ugon que leuantoron ouo fillo al rei Roberth. [E]l rei Roberth ouo tres fillos. "[E]l uno fo el rei Ugon, qui fo muit dolç & muit amado. [E]l otro, el rei Henrrich. [E]l otro, el duc de Borgoña.

Bibliografía

• Jean Sellier: Atlas de los pueblos de Europa Occidental. Editorial Paidós. pp12

Vinclos externos

• Se veigan as imáchens de Commons sobre os Carolinchios.

• Datos: Q133602
• Multimedia: Carolingian dynasty / Q133602