Las Tres Bailías

Las Tres Bailías u Las Bailías ye lo nombre que recibiba dica la Primera Guerra Carlista l'aria que teneban los Hespitalers en l'aria montanyosa de Teruel que muga con Castellón y corresponde en part a la compleganza alta de lo río Guadalop. Los Hespitalers i teneban tres bailías:

Por eixemplo en las actas de las Cortz de Zaragoza de 1398-1400 l'apartato XCIII de greuges de la yglesia ye dedicato a Las Baylias de Cantaviella, de Castellot e de Aliaga:

humilment supplicando demuestra assi como a notoriament e contra fuero agreviados los jurados e hombres de los lugares de las baylias de Cantaviella, de Castellot e de Aliaga, del Orden del Spital de Sant Johan

En las Guerras Carlistas esta zona y l'aria de Castellón que i muga estioron celebres porque i yera un irreductible enclau carlista mandato por Cabrera. Cabrera teneba la embotada de Tigre del Maestrazgo, los medios de comunicación diciban a tot lo nuclio carlista Maestrazgo y se perdió la denominación de Bailías pa la parte terolana.

En lo prochecto de comarcalizazión d'Aragón gran parte de las antigas Bailías han caito en la comarca Mayestrato, pero Aliaga s'ha aliniato con la comarca de las Cuencas Meneras.