La ciociara

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre una cinta italiana de 1960; t'atros usos, se veiga La ciociara (desambigación).

La ciociara
Títol	La ciociara
Poster teatralizato d'a cinta.
Ficha tecnica
Dirección	Vittorio De Sica
Dirección artistica	Gastone Medin
Producción	Carlo Ponti
Guión	Vittorio De Sica Cesare Zavattini (basato en La ciociara d'Alberto Moravia)
Musica	Armando Trovajoli
Soniu	Giovanni Rossi
Fotografía	Gábor Pogány
Montache	Adriana Novelli
Escenografía	Gastone Medin
Vestuario	Arlington Valles Bill Thomas
Efectos especials	Serse Urbisaglia
Actors	Sophia Loren Jean-Paul Belmondo Eleonora Brown Carlo Ninchi Raf Vallone Emma Baron
Datos y cifras
País(es)	Francia Italia
Anyo	1960
Chenero(s)	Cine de drama Cine belico
Durada	100 min.
Idioma(s)	Italiano
Companyías
Productora(s)	Compagnia Cinematografica Champion Titanus Les Films Marceau Cocinor Société Generale de Cinématographie
Distribución	Titanus Distribuzione
Ficha en IMDb

La ciociara (títol en italiano, en aragonés A ciociara, enguerada en Aragón con o títol en castellano de Dos mujeres, Dos mullers en aragonés) ye una cinta italiano de l'anyo 1960 de cine de drama y cine belico ambientata en a Segunda Guerra Mundial dirichita por Vittorio De Sica seguntes un guión de Vittorio De Sica y Cesare Zavattini (basato en La ciociara d'Alberto Moravia), con una banda sonora orichinal d'Armando Trovajoli y una dirección de fotografía de Gábor Pogány. Producita por Carlo Ponti ta Compagnia Cinematografica Champion, Titanus, Les Films Marceau, Cocinor y Société Generale de Cinématographie, en o suyo reparto incluye a destacatos actors como Sophia Loren, Jean-Paul Belmondo, Eleonora Brown, Carlo Ninchi, Raf Vallone y Emma Baron. Antiparte, ye una cinta que ha recibito cuantos premios.

A cinta (y a novela que en ye l'alazet) charran d'as violacions masivas por soldatos marroquins d'o Cuerpo d'exercito de l'exercito francés que mandaba Alphonse Juin mientres a batalla de Montecassino, con cifras que bels historiadors amanan a 2.000 mullers violatas en lugars, pueblos y ciudaz d'arredol d'o monesterio de Montecassino.

Sinopsi

Mientres a Segunda Guerra Mundial, Cesira (Sophia Loren) ye una chóven viuda que vive en Roma con a suya filla Rosetta (Eleonora Brown), de nomás que 13 anyadas. Temendo por os continos bombardeyos aerios d'os Aliatos sobre Roma, decide de tornar con a suya filla en o suyo lugar natal. Una vegata han plegau, Cesira conoix a un chóven resistent comunista, Michele Di Libero (Jean-Paul Belmondo) de qui s'enamora. Sindembargo, soldatos alemans d'a Wehrmacht lo fan prisionero y lo emportan enta o mont.

Cuan plegan os Aliatos, Cesira creye que o periglo ya ha pasato y decide de tornar en Roma, pero mientres o camín Cesira y Rosetta son violatas por soldatos marroquins d'o Cuerpo d'exercito de l'exercito francés que manda Alphonse Juin mientres a batalla de Montecassino, encara que Rosetta, de 13 anyadas, encara yera virchen. Antiparte, poco dimpués Cesira conoix que os alemans han asasinato a Michele.

Reparto

• Sophia Loren, en o papel de Cesira.
• Jean-Paul Belmondo, en o papel de Michele Di Libero, un chóven comunista.
• Eleonora Brown, en o papel de Rosetta.
• Carlo Ninchi, en o papel de Filippo, o pai de Michele,
• Raf Vallone, en o papel de Giovanni
• Andrea Checchi, en o papel de Un faixista.
• Pupella Maggio, en o papel de Un paseyant.
• Emma Baron, en o papel de Maria.
• Bruna Cealti, en o papel de Una refuchiata.
• Antonella Della Porta.
• Mario Frera.
• Franco Balducci, en o papel de Un alemán.
• Luciana Cortellesi.
• Curt Lowens.
• Tony Calio.
• Remo Galavotti.

Se veiga tamién

• Cine en 1960.
• Cintas de 1960.

Vinclos externos

• (en) La ciociara en IMDb.