L'opération Corned Beef
L'opération Corned Beef (títol orichinal en francés, en aragonés La operación Corned Beef, enguerada en Aragón con o títol en castellano d'Opèración chuleta de ternera, en aragonés Operación costiella de ternera) ye una cinta de cine de comedia d'acción de l'anyo 1991 coproducida por o cine francés y lo cine mexicano, dirichida por Jean-Marie Poiré seguntes un guión orichinal d'él mesmo y de Christian Clavier, con una banda sonora orichinal d'Eric Levi, una dirección de fotografía deJean-Yves Le Mener, una producción cinematografica d'Alain Terzian ta las productoras Alter Films, Gaumont, TF1, Alpilles Productions y Amigo Productions, y con un elenco formau por, entre d'atros, os actors Christian Clavier, Jean Reno, Valérie Lemercier, Isabelle Renauld, Mireille Rufel, Jacques François, Francis Coffinet, Marc de Jonge, Jacques Dacqmine, Raymond Gérôme, Dimitri Rougeul y Jacques Sereys.
O capitán Philippe Boulie ye un reconoixiu achent d'a Dirección cheneral d'a Seguredat Exterior francesa, a DGSE, que se troba en Bogotá en Colombia controlando a lo coronel Zargas, un traficant d'armas que tiene previsto plegar bien luego en Francia, a la vegada que lo suyo equipo ha cololau un microfono a Marie-Laurence Graniansk, a secretaria de Horst Burger, consul d'Austria y complice d'o coronel. L'obchectivo d'ista operación clarament ilegal ye de descubrir a un alto dirichent francés que li quiere vender secretos militars a Zargas, pero as cosas se complican cuan a secretaria decide fer unas vacanzas con o suyo mariu. Alavez, a DGSE decide ninviar una achent ta que seduzca a lo mariu d'a secretaria, pero lo que no sabe Philippe Boulie ye que l'achent femenino a qui ninvían en ixa misión ye la suya propia esposa.
A cinta s'ambienta en a suya epoca actual (1991) en Bogotá (Colombia) y en París (Francia) y las suyas escenas se rodoron en Ciudat de Mexico y París, amás d'en bels puestos en os departamentos franceses de Yvelines, Val de l'Oise, Sena-Sant Denís, Val d'o Marne y Eure y Loir.[2] L'opération Corned Beef recibió una nominación a los Premios César en a suya 17ena edición a la Millor Actriz Segundaria, ta l'actriz Valérie Lemercier.
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar- (en) L'opération Corned Beef en Internet Movie Database.
- (en) L'opération Corned Beef en AllMovie.
- (fr) L'opération Corned Beef en Allociné.
- (es) L'opération Corned Beef en FilmAffinity.
- (en) L'opération Corned Beef en TCM Movie Database.
Datos: Q755373
