Ixugadera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A ixugadera ye un aparato electrodomestico que se fa servir ta ixugar a ropa dimpués de lavar-la. O suyo funcionamiento basico ye meter aire calient en l'interior d'un tambor chiratorio de capacidat variable, adintro d'on va dando vueltas lentament a ropa humeda. Iste tambor puet estar inoxidable, de zinc, esmaltato, etc. En bels casos os tubos de dentrada de l'aire calient chiran a la vegada que o tambor y en atros son fixos y nomás chira a ropa.

Ixugadera.

Todas as ixugaderas encluyen bel tipo de filtro a on se recullen as pelusas d'a ropa, asinas como bel sistema d'aviso optico u acustico d'a saturación d'iste filtro.

Bi ha dos tipo prencipals d'ixugaderas en función d'o destín de l'aire residual que sale cargato d'humedat:

• Ixugadera d'evacuación: L'aire humedo sale a l'exterior a traviés d'un tubo extensible d'un diametro d'alto u baixo 12 cm, que ha de salir difuera d'a cambra, bien a traviés d'un forato en a paret u bien a traviés d'una finestra entreubierta. A largaria maxima d'iste tubo no puet blincar d'os dos metros alto u baixo, ta prevenir una eventual condensación d'a vapor en o propio tubo de salida.
• Ixugadera de condensación: L'aire humedo se conduce enta un condensador a on se fa enfriar bruscament, de manera que se consigue a suya conversión en augua liquida que se reculle en un deposito accesible. Iste deposito s'ha de vaciar dimpués de cada uso d'a maquina. L'avantalla d'iste sistema ye que no amenista d'una instalación de dengún tipo, ni tubos enta l'exterior, nomás enchegar-la a la corrient. Eventualment puet conectar-se a un desaugüe apropiato, d'o tipo d'a lavadera, si no se quiere vaciar o deposito dimpués de cada uso. O pre d'a ixugadera de condensación ye mas alto que o d'a d'evacuación.

Toz dos tipo pueden levar un sistema de temporización (por meyo d'un dial a on se mete o tiempo de funcionamiento deseyato) u uns sensors electronicos (que automaticament detectan o grau d'humedat d'a ropa y aturan o funcionament en plegar a o grau pre-achustato).

As ixugaderas de 5 u 6 kilos de carga tienen una mida standardizata de 85x60x60 y se pueden colocar dreitament dencima d'una lavadera. Manimenos bi ha bellas ixugaderas de mida mas chicota (de 3 kilos de capacidat), y bi'n ha que pueden estar instalatas u mesmo penchatas d'a paret.

Vinclos externos

• Se veigan as imáchens de Commons sobre ixugadera.
• (es) Aspectos en os que parar cuenta

• Datos: Q496334
• Multimedia: Clothes dryers / Q496334