Lavadera
- No entivocar-se con a lavadora u electrodomestico moderno pa lavar a ropa.
A lavadera[1][nota 1] ye ferramienta disenyada pa lavar ropa a man. As lavaderas tradicionals se construyiban por un regular con una tabla de fusta con una serie de relieus u corrucamientos en a suya superficie pa esfregar a ropa ensabonada. Atros modelos teneban de un marco de fusta rectangular en o que se montaban istos relieus que bien podeban estar tamién de fusta u d'atro material como metal u vidre. En os lavaderos, edificios publicos a on s'acudiba a limpiar a ropa, i heba tamién lavaderas, losas feitas de piedra, que podeban estar corrucadas u lisas.


Encara que o desarrollo d'as lavadoras ha convertiu as lavaderas en un obchecto arcaico en os países desarrollaus, encara contina estando un utensilio amplament emplegau pa limpiar a ropa en zonas rurals sin electrificación ni augua corrient de cuantas zonas d'o mundo.[2] Asinas mesmo, o personal militar a sobén emplega lavaderas pa lavar a ropa cuan no existen instalacions de lavandería locals.[3]
Notas
editar- ↑ Con a variant llavadera
Referencias
editar- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (en) Proceedings of the 3rd World Conference on Detergents: Global Perspectives, By Arno Cahn pp 32-33
- ↑ (en) Troop kit for US military