Pugar
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O pugar[1] u bigós[2][3][4] ye una ferramienta agricola relacionada con os ixaus y as ixadas que sirve pa escardar as malas hierbas y bater a tierra, y s'emplega especialment pa desenronar hortalicias que creixen enronadas, como as trunfas y as cebollas. En a valle de Vio tamién se documenta o nombre d'ixata de ganchos.[1]
Consiste en un tozuelo de metal que, como os d'es ixaus, s'achusta en l'extrimo d'un astil u mango gracias a que tiene una trasca circular, de forma que a fuella de metal queda alto u baixo perpendicular a o mango. Este tozuelo tiene dos «pugas», por cuentas d'estar plano como en atras ferramientas de a mesma familia, o que lo de millor fender en tierra por entre as venas d'as plantas, sin arribar a tallar os tuberculos como sí que gosa pasar con os ixaus plans. Contino, tirando un poquet u fendo ceprén, se ranca la planta de forma mas fácil.
Rudolf Wilmes describió que en a valle de Vió s'emplegaba pa remover o fiemo.[1] Tamién diz que en gascón biarnés se documenta con o nombre de «puàr».[1]
Referencias
editar- ↑ 1,0 1,1 1,2 1,3 (es) WILMES, Rudolf. El Valle de Vió. Estudio etnográfico-lingüístico de un valle altoaragonés. P. 213. Ed. PRAMES. Zaragoza, 1996. ISBN 84-87601-64-2
- ↑ (es) ARNAL PURROY, Mª Luisa, Diccionario del habla de la Baja Ribagorza Occidental -Huesca-; Institución «Fernando el Católico» + Gara d'Edizions. Zaragoza, 2003. ISBN 84-8094-052-2
- ↑ (es) BADIA i MARGARIT, Antoni. El habla del valle de Bielsa. Aladrada ediciones. Zaragoza, 2015. ISBN 978-84-942470-8-8
- ↑ (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. ISBN 978-84-8094-061-0
