Instituto Aragonés d'Arte y Cultura Contemporanios Pablo Serrano

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

IAACC Pablo Serrano
Situación
Coordenatas	{{{Coordenadas}}}
País	Aragón
Ciudat	Zaragoza
Información cheneral
Tipo	Arte contemporanio
Director	Julio Ramón Sanz
Construcción
Debantadera	27 de mayo de 1994
Superficie
Horario
Vesitants
Adreza	Paseyo María Agustín, 20 50004 Zaragoza
Telefono	976 28 06 59 976 28 06 60
Pachina web	iaacc.es

L'Instituto Aragonés d'Arte y Cultura Contemporanios Pablo Serrano (en castellano y oficialment: Instituto Aragonés de Arte y Cultura Contemporáneos Pablo Serrano), mas conoixiu como Museu Pablo Serrano, ye un centro museistico adedicato a l'arte contemporanio que tien como colección fundacional un amplio fundo d'obras de l'escultor aragonés Pablo Serrano (1908-1985). Amás conta con eixemplos d'artistas aragoneses, espanyols y estranchers de tot o sieglo XX, dende Emil Nolde, Pablo Picasso y Calder dica Warhol, Jean Tinguely y Anthony Caro.

Seu

O museo ye situau en os antigos tallers d'oficios de l'espizio provincial, conoixiu como que Fogar Pignatelli, que estioron reabilitaus por l'arquiteuto aragonés José Manuel Pérez Latorre pa adecuar-los a la suya nueva función museística.

O centro ubrió as suyas puertas o 27 de mayo de 1994 y tien o suyo orichen en a fundación creyada por Pablo Serrano poco antes d'a suya muerte. En 1995 a fundación estió disuelta y os suyos bienes pasoron a estar propiedat d'o Gubierno d'Aragón, que en pocos meses creyó a institución autual: l'Instituto Aragonés d'Arte y Cultura Contemporanios Pablo Serrano (IAACC).

A necesidat d'enreziar os espacios d'o IAACC Pablo Serrano, pa la conservación d'as suyas coleccions y a organización d'exposicions y atras actividaz empentó l'ampliación de l'edificio en 2005. O prochecto arquitectonico estió redautau por José Manuel Pérez Latorre y en 2007 estioron adchudicaus os treballos de construcción a Obrascón Huarte Laín. L'ampliación triplicó o espacio util, que pasó de 2500 m² a os mas de 7000 m² autuals, d'os cuals 3000 m² son destinaus a espacios expositivos. O 23 de marzo de 2011 se fa a devantadera d'o nuevo museu convertiu en l'Instituto Aragonés de Arte Contemporanio.

Coleccions

En o suyo interior, se exhibe a o publico un amplio muestrario d'a obra de Pablo Serrano. En a exposición permanent d'a suya obra destacan as esculturas informalistas d'os anyos 50. O museu conta amás con un conchunto important d'obras d'a esposa de Pablo Serrano, Juana Francés, asinas como una colección d'arte grafico contemporanio y una selección de pintura de Santiago Lagunas recientment incorporada.

En 2013, a institución dio un vulco a o suyo repertorio d'obras, en sumar a colección privada Circa XX, encetada por Pilar Citoler en 1969 y enriquida a lo largo de cuatro decenios. Os artistas representaus cubren cuasi tot l'arco artistico internacional entre l'expresionismo alemán (Emil Nolde) dica l'art brut (Jean Dubuffet); entre éls se contan Pablo Picasso, Joan Miró, Fernand Léger, Alexander Calder, Le Corbusier, Henry Moore, Francis Bacon, Andy Warhol, Roy Lichtenstein, Enzo Cucchi... a os cuals cal sumar un cheneroso muestrario espanyol d'os zaguers decenios: Tàpies, Miquel Barceló, Antonio Saura, Rafael Canogar, Gerardo Rueda, José Manuel Broto, Guillermo Pérez Villalta, Cristina Iglesias... Iste conchunto, formau por unas 1.200 piezas, s'obtenió por meyo d'una formula combinada de donación y venda, si bien a cifra de diners pagada suposa tasament o 15% d'a valor d'a colección, a cual fuo tasada en uns diez millons d'euros.

O centro auespa tamién exposicions temporals de pintura y escultura contemporania. Conta tamién con una biblioteca y una zona dedicada a la realización de tallers.

Veyer tamién

• Pablo Serrano

Vinclos externos

• Se veigan as imáchens de Commons sobre l'IAACC Pablo Serrano.
• (es) Sitio web oficial de l'Instituto Aragonés d'Arte y Cultura Contemporanios Pablo Serrano

• Datos: Q5917191
• Multimedia: IAACC Pablo Serrano / Q5917191