Imperio Aquemenida

	Imperio Aquemenida; Hakhâmaneshiyân
	Situación de Imperio PersaO Imperio Aquemenida enta l'anyo 500 A.C enantes de plegar a la suya extensión maxima con a conquiesta d'o Punchab.
Capital	Pasargaga, Susa, Ectabana, Persepolis, Babilonia
Idioma oficial; • Atros idiomas	Persa antigo, arameu imperial; Elamita y diferents luengas iranicas y semiticas.
Relichión	Politeísmo, zoroastrismo y relichions de pueblos sozmesos
Gubierno	Monarquía
• Ciro II lo Gran creba a hechemonía d'os medos y ocupa lo suyo territorio.	550 aC
• Aleixandre lo Gran derrota a Dario y ocupa tot l'imperio.	330 aC

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'Imperio Aquemenida estió un d'os mes extensos imperios de l'antiguedat, con territorios en Orient Meyo, Asia Central, India, Balcans y nord-este d'Africa. Encomenzó enta l'anyo 550 aC cuan Ciro II lo Gran ocupó Media y remató en l'anyo 330 aC en o reinato de Dario II con as campanyas de conquiesta d'Aleixandre lo Gran. Yera dividito en satrapías.

A denominación que se fa servir provién d'a dinastía Aquemenida, que gubernó en l'imperio mientres dos sieglos. En a historia d'Occident l'Imperio Aquemenida ye conoixiu sobre tot en relación a los conflictos que bi habió entre griegos y persas, especialment en dos periodos, as Guerras Medicas y as campanyas d'Aleixandre lo Gran.

Mencions en fuents aragonesas

En fuents aragonesas no parlan d'aquemenidas, y, prenendo fuents que se remontan a fuents griegas, parlan de "persas", "medians" y "Persia".

En o "Libro d'el Trasoro" dicen:

Ap(re)s nabucodonosor regno su fillo . e despu(e)s Regno aq(ue)l meradabel fillo del p(r)imer nabuchodonosor . e apres del reyno / ragiosat su fillo . et depues labusar fillo de aq(ue)l m(er)edabel . et depu(e)s ba[l](s)tasar su h(e)rm(an)o . aq(ue)l baltasar rey de babilo(n)ia fue mue(r)to por dario rey delos media(n)os . e cir(us) sesmeso rey de p(er)sia q(u)i conq(u)istaro(n) el reyno de babilo(n)ia . Ap(re)s la mue(r)te d(e)l Rey cir(us) ouo alli .xiije. reyes en su regno la uno ap(re)s lotro ent(r)o al t(iem)po q(ue) dario fue rey no pas aq(ue)l dario de q(u)i el conto ha faulado aca a(ç)çaga q(ue) fue en(e)l t(iem)po del rey cirr(us) . mas aq(ue)sti dario fue fillo de archanue q(ue) fue Rey e senyor de p(er)sia et auja gran pode(r) de gent e de tierras . Mas alixa(n)dre el gra(n)t lo uj(n)cio e mato e touo su Regno .

(...) Cambises, fillo del rey Cirus de Persia que primerament priso Egipto y lo chusmiso a su senyoria e gito fuera el rey Neptanebus, que depues fue maestro de Alixandre el grant. E la ora Perisa, entro al tiempo del rey Alixandre qui vincio a Persia. E quando el rey Alixandre fue muerto (...)

En o "Liber Regum" describen a chenealochía d'os reis aquemenidas:

Murie Nabuchodonosor, e rregno so fillo Balthasar en so logar, e por l auleza que fizo, que biuie con sos mulleres en los basos que so padre aduxo de la santidat del templum Domini, e lo mataron exe nueit los medos e los de Persia. Estonz prophetizaua Daniel en Caldea.

Quando murie Balthasar regno Euilmerodac en Caldea; la donc fo treito de la carcel Ioachim el rei de Iherusalem, que XVII annos hi auia estado.

Murie Euilmerodac e rregno en so logar el rei Astriages (sic) En aquel tiempo fo Hipocras el buen mege, e Socrates e Diogenes, Democrite. En aquel tiempo regnaua Atarserses en Persia. Murie Astiages e rregno el rei Cirus en so logar e fo muit buen rei. Est embio todos los iudios qui eran catiuos en toda so tierra que uiniessen fraugar el temple de Deus a Iherusalem. Et estonz hi uinieron grandes gentes con Salathiel, el padre [ 204 ] de Zorobabel. Estonz prophetizaua en Caldea Ageus & Zacharias, estas dos prophetas. Et en eix tiempo fo Platon el philosofo, e Demostenes el buen parlero.

El rei Assuerus, qui regno en Persia & en Çiopia troa en India, ouo filio a Daires, de Ester so muller. Est Daires embio los iudios que no quisieron [16] exir por mandamiento de Cirus a tierra de Iherusalem, e uinieron a la frauga del temple. Estonz renouo la lei Ezdras el propheta. Et en aquel tiempo fo Aristotus & estonz murie Platon. Ad est Daires fo mesturado Daniel e fo metudo en el pozo de los leones e plogo a Deus que noi ouo nengun mal.

Regno Daires XXX.III annos e lidio con Alexandre, qui era rei de Grecia, e fo uencido Daires & alli murie.

Regno Alexandre en Grecia XII annos e pues conquerie Babilonia e tot el regne de los caldeus et el regne de Persia e toda Eciopia troa en India, e priso Iherusalem & entro en el temple e sacrifico i sos deus. E pues conquerie muita tierra. Mas a la finada enpozonoronlo sos uassallos e murie assi como l auia dito Aristotus so maiestro.

Datos: Q389688
Multimedia: Achaemenid Empire / Q389688