Hispano Carrocera
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Tata Hispano Motors Carrocera S.A. | |
|---|---|
 Logo entre 1993 y 2010 | |
| Datos chenerals | |
| Eslogan | {{{slogan_empresa}}} |
| Establimiento | 1939 (como Talleres Nápoles) 1983 (como Hispano Carrocera SAL) |
| Localización |  Zaragoza, Aragón
|
| Enfiladors | {{{enfiladors}}} |
| Industria | Carrocería |
| Productos | Autobuses, autocars y trolebuses |
| Beneficios | {{{beneficio}}} |
| Emplegatos | {{{emplegaus}}} |
| Pachina web | |
| Pachina web | www.TataHispano.com |
| {{{twitter}}} | |
| {{{facebook}}} | |
Tata Hispano Motors Carrocera S.A. (d'antis Hispano Carrocera S.A. y mes conoixita como Hispano Carrocera u Tata Hispano) yera una empresa aragonesa, que estió una d'as mayors carroceras d'autobuses, autocars y trolebuses d'Europa. Dende 2009, ye completament filial d'o conglomerato indio Tata Motors y en l'anyo 2013 desaparixió.
Antimás d'a suya planta principal en a ciudat de Zaragoza (barrio rural d'a Cartuixa Baixa), Hispano Carrocera teneba un atra fabrica en Casablanca (Marruecos). Beluns d'os productos d'Hispano Carrocera (como Habit u Divo) han estato disenyados por Studi Pininfarina.
Historia
editar
Os orichens d'a empresa surchen cuan o napolitán Vicenzo Angelino Gervasio funda en Zaragoza (en l'anyo 1939) os Talleres Nápoles, una chicota empresa adedicata a la reparación de cambions d'a postguerra. Dimpués d'o exito comercial d'a cabina unica de cambión disenyata por Angelino Gervasio, a companyía se estableixe en una nueva nau d'uns 3.000 m² y en 1958 fabrica o suyo primer autobús.
En 1962, a companyía se treslada atra vegata ta unas nuevas instalacions en a Carretera N-II, convertindo-se en Factorías Nápoles S.A. y prencipiando a vender os suyos propios productos baixo a suya propia marca, Nazar. Sindembargo, en 1964 problemas financiers provocan que Angelino Gervasio deixe a companyía, que cambeya o suyo nombre a Fabricaciones Industriales S.A..
En 1966, a empresa pasa a fer parti de Barreiros Diesel S.A., que a la vegata ye mercata por Chrysler en 1969, formando Chrysler España S.A.. A parte de carrocería d'autobuses de Chrysler España fue vendita a la empresa belga Van Hool en 1971. En 1983, a mayoría d'os treballadors de Van Hool se converten en propietarios d'a fabrica, transformando-se en Sociedat Anonima Laboral y cambiando o suyo nombre por Hispano Carrocera S.A.L..
En 1992, Hispano Carrocera se tresladó ta unas nuevas instalacions en o barrio d'a Cartuixa Baixa (ciudat de Zaragoza) y en 1993 o grupo mexicano CAPRE merca a empresa (esdeviniendo en Hispano Carrocera S.A.).
En 2005, Tata Motors adquiere o 21% d'o capital d'a companyía y en 2009 o 79% restant, por meyo d'a execución d'una opción de crompa pre-eixistent. L'1 de marzo de 2010, a empresa pasa a estar Tata Hispano Motors Carrocera S.A. y cierra en l'anyo 2013 por os malos resultaus economicos.
Vinclos esternos
editar
Se veigan as imáchens de Commons sobre Hispano Carrocera.- (en)(es)(fr)www.TataHispano.com, pachina web oficial.
Datos: Q2628495- Multimedia: Hispano buses / Q2628495
