Hamburger Abendblatt

Hamburger Abendblatt
Hamburger Abendblatt Logo.svg
Información cheneral
Periodicidat Diaria (fueras d'o domingo)
País Flag of Germany.svg Alemanya
Destribución Hamburgo
Seu Hamburgo
Fundación 1948
Carácter Cheneralista
Idioma Alemán
Circulación 286.992[1]
Propietario Funke-Mediengruppe
Editor chefe Claus Strunz
ISSN 0949-4618
Web abendblatt.de

O Hamburger Abendblatt (en aragonés literalment O Periodico de tardis d'Hamburgo) ye un periodico diario d'a ciudat d'Hamburgo, Alemanya, publicau por Axel Springer AG. Fue mercau por o grupo mediatico Funke-Mediengruppe l'1 de chinero de 2014. O periodico gosaba amaneixer nomás de lunes ta sabado, pero dende o 29 d'octubre de 2006 se publica tamién una edición dominical ta completar a edicion d'os domingos d'o Hamburger Morgenpost que prencipió o 5 de noviembre de 2006.

O periodico se centra mas que mas en noticias de l'aria d'Hamburgo, encluyindo suplementos con noticias rechionals de Norderstedt, Ahrensburg, Harburg y Pinneberg. Politicament o periodico ye licherament conservativo, pero por un regular gosa refirmar a o gubierno, tamién en os periodos d'administración d'o SPD.

HistoriaEditar

Quatre periodicos anteriors d'Hamburgo levaban o apelliu Abendblatt ("Periodico d'a tardi") en o suyo nombre, encluyindo un atro dito Hamburger Abendblatt, fundau o 2 de mayo de 1820.

L'actual Hamburger Abendblatt, manimenos, se publicó por primera vegada dimpués d'a Segunda Guerra Mundial, dende o 14 d'octubre de 1948, con una primera edición de 60,000 copias. Recibió una licencia de publicación d'o Senau y de l'alcalde d'Hamburgo Max Brauer, estando asinas o primer diario d'a post-guerra en Alemanya en recibir un permiso que no provenise d'as autoridatz ocupants. Dimpués de seix meses de circulación, s'aumentó a tirada a 170.000 copias diarias. Dica os anyos 1970 se distribuiba de tardis, pero actualment se fa de maitins.

ReferenciasEditar

  1. (de) (2009) IVW

Vinclos externosEditar