Gun Shy (cinta de 2000)
Gun Shy (títol orichinal en anglés, en aragonés Pistola medrosa, enguerada en Aragón con o títol de Blanco perfecto) ye una cinta de cine estausunidense de cine de comedia d'intriga enguerada l'anyo 2000, dirichida por Eric Blakeney seguntes un guión orichinal d'él mesmo, con una banda sonora orichinal de Rolfe Kent, una dirección de fotografía de Tom Richmond y una producción cinematografica de Sandra Bullock ta la productora cinematografica Fortis Films. L'elenco d'a cinta ye formau por Liam Neeson, Oliver Platt, Sandra Bullock, José Zúñiga, Michael DeLorenzo, Andrew Lauer, Mary McCormack, Mitch Pileggi, Louis Giambalvo, Rick Peters, Dusty Kay, Jerry Stahl, Michael Weatherly, David Carpenter, Tommy Morgan Jr., Roy Buffington, Hank Stratton, Frank Vincent, Frankie Ray, Taylor Negron, Joe Maruzzo, Manny Perry, Richard Schiff, Paul Ben-Victor, Gregg Daniel y Ben Weber, entre d'atros actors.
Charlie Mayough ye un achent encubierto d'a Drug Enforcement Administration que padeixe problemas gastrointestinals y d'ansiedat por o suyo treballo, como consecuencia d'una enretada fallida, a on morió lo suyo companyero. Tanimientres, os suyos chefes, Lonny Burke y Dexter Helvenshaw, refusan retirar-lo d'o caso. Destinau a Nueva York, en l'avión coincide con Jeff Bleckner, un psiquiatra que accepta tractar-lo como client. En a suya primera visita a lo psiquiatra, iste li demana de participar en una sesión de terapia de grupo, a on conta la suya vida y los suyos problemas, fendo-se amigo d'éls. Bien luego, ta los suyos problemas gastrointestinals, visita a Judy Tipp, conoixida como La reina de l'enema, por qui bien luego prencipia a sentir intrés amoroso. De tornada en o treballo, ha de participar en delicadas negociacions de lavada de diners y de manipulación d'o mercau bursátil, treballando ta Fidel Vaillar, lo fillo d'un destacau narcotraficant colombiano, enamorau d'o suyo guardaspaldas. Han de tractar con Fulvio Nesstra, representant d'a mafia de Nueva York y yerno d'un destacau mafioso, qui l'esperne. O tercero en o grupo de negociadors ye Jason Cane, que treballa en Wall Street. Encara que con muitas complicacions, as negociacions abanzan, pero cuan son amán de rematar, Charlie Mayough para cuenta que nada ye como pareixeba estar.
A cinta s'ambienta en a suya epoca actual (2000) en a ciudat estausunidense de Nueva York, y las suyas escenas se filmoron en Agoura y Los Angeles en California y en Nueva York en Nueva York.[2]
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ (en) Enguero de Gun Shy en Internet Movie Database.
- ↑ (en) Localizacions de Gun Shy en Internet Movie Database.
- ↑ (en) Gun Shy en Internet Movie Database.
Datos: Q636038
