Gubierno Gómez de las Roces

Gubierno Gómez de las Roces
Información d'o Gubierno
Establito	4 d'agosto de 1987
Reemplaza a	Gubierno Marraco (1983-1987)
Disolución	3 de chulio de 1991
Reemplazato por	Gubierno Eiroa (1991-1993)
Churisdicción	Aragón
President	Hipólito Gómez de las Roces

O Gubierno Gómez de las Roces estió o Gubierno d'Aragón dende o 4 d'agosto de 1987 dica o 5 de chulio de 1991, mientres a II Lechislatura d'Aragón. Fue presidiu por Hipólito Gómez de las Roces d'o Partido Aragonés dimpués de ganar por mayoría simpla as eleccions aragonesas de 1987. Succedió a o gubierno de Santiago Marraco y estió o Gubierno d'Aragón mientres un total de 3 anyos, 11 meses y 15 días.

O gubierno yera formau entre 1987 y 1989 por miembros o Partido Aragonés (PAR), dentrando en 1989 dos consellers d'o Partido Popular de Aragón. Fue automaticament disuelto o 27 de mayo de 1991 a consecuencia d'as eleccions aragonesas de 1991, encara que continó en funcions dica a formación d'o siguient gubierno.

Historia

En as eleccions a Corz d'Aragón de 1987, celebradas o miércols 10 de chunio, o PSOE-Aragón ganó as eleccions, quedando o Partido Aragonés Regionalista en segundo puesto, Alianza Popular en tercer puesto, Centro Democrático y Social en cuatreno puesto y Convergencia Alternativa de Aragón-Izquierda Unida en cinqueno puesto. Gómez de las Roces fue eslechiu como segundo president democratico d'a Deputación Cheneral d'Aragón en contar con l'aduya d'os votos d'Alianza Popular (12) y o PAR (19), yeran mayoritarios en as Corz d'Aragón, formó asinas Gubierno, encara que o Partido de los Socialistas de Aragón estió o partiu con mayor numero de votos.

En primeras Gómez de las Roces formó un gubierno monocolor (a tamas d'as exichencias d'AP de fer parti d'o gubierno) lo que ocasionaría no pocos problemas a o largo de toda a II Lechislatura. En 1989, dimpués de sinyar un pacto de gubierno, nombra a dos consellers d'o Partido Popular: Santiago Lanzuela y José Urbieta.

Estructura y composición

O Gubierno yera formau por consellers d'o Partido Aragonés, d'o Partido Popular y independients distribuyius en 8 departamentos.

← Gubierno de Hipólito Gómez de las Roces → (4 d'agosto de 1987 - 5 de chulio de 1991)
Partiu politico		Partido Aragonés
		Partido Popular
		Independient (PAR)
Cargo / Departamento	Tetular
President		Hipólito Gómez de las Roces 4 d'agosto de 1987 - 5 de chulio de 1991
Presidencia y Relacions Institucionals		José Ángel Biel Rivera 4 d'agosto de 1987 - 5 de chulio de 1991
Economía		Ramón Alfonso Galianas 4 d'agosto de 1987 - 18 de noviembre de 1988
		Antonio Laguarta Laguarta 18 de noviembre de 1988 - 13 de marzo de 1989
		Santiago Lanzuela Marina 13 de marzo de 1989 - 5 de chulio de 1991
Hicienda		José María Bescós Ramón 4 d'agosto de 1987 - 5 de chulio de 1991
Ordenación Territorial, Obras Publicas y Transportes		Joaquín Maggioni Casadevall 4 d'agosto de 1987 - 5 de chulio de 1991
Agricultura, Ganadería y Monts		Javier Alvo Aguado 4 d'agosto de 1987 - 13 de marzo de 1989
		José Urbieta Galé 13 de marzo de 1989 - 5 de chulio de 1991
Industria, Comercio y Turismo		Luis Acín Boned 4 d'agosto de 1987 - 5 de chulio de 1991
Sanidat, Bienestar Social y Treballo		Ana María Cortés Navarro 4 d'agosto de 1987 - 5 de chulio de 1991
Cultura y Educación		Darío Vidal Llisterri 4 d'agosto de 1987 - 18 de noviembre de 1988
		Enrique Calvo Cabello 18 de noviembre de 1988 - 5 de chulio de 1991

Veyer tamién

• Deputación Cheneral d'Aragón

Vinclos externos

• (es) Historico de lechislaturas d'as Corz d'Aragón. II Lechislatura 1987/1991

• Datos: Q56303814