Greystoke: The Legend of Tarzan, Lord of the Apes
.svg){kind=small}
Greystoke: The Legend of Tarzan, Lord of the Apes(títol orichinal en anglés, en aragonés Greystoke: a leyenda de Tarzán, sinyor d'os monos, enguerada en Aragón con o suyo títol tradiciu enta lo castellano como Greystoke, la leyenda de Tarzán, el rey de los monos) ye una cinta de cine d'aventuras dramaticas coproducida por o cine britanico y lo cine estausunidense, enguerada l'anyo 1984, dirichida por Hugh Hudson seguntes un guión adaptau por Robert Towne, Michael Austin (basau en Tarzan of the Apes, una novela que heba publicau l'escritor estausunidense Edgar Rice Burroughs l'anyo 1912), con una banda sonora orichinal de John Scott y Edward Elgar, una dirección de fotografía de John Alcott y una producción cinematografica de Hugh Hudson y Stanley S. Canter ta las productoras Warner Bros., Edgar Rice Burroughs Inc. y WEA Records. Conta con un elenco d'actors formau, entre d'atros, por Christopher Lambert, Ralph Richardson, Ian Holm, James Fox, Andie MacDowell, Cheryl Campbell, Paul Geoffrey, Ian Charleson, Nigel Davenport, Nicholas Farrell, Richard Griffiths, Hilton McRae, David Suchet, John Wells y Paul Brooke.
Lord Clayton y la suya muller Alice naufragan en as costas d'o reino d'o Congo, sobrevivindo bel tiempo, dica que la muller tien un fillo. Bien luego muere la mai por malaria y dimpués un grupo de monos ataca la casa a on viven y mata a lo pai, pero a una mona d'a manada li acaba de morir su fillo y en sentir plorar a lo nino decide adoptar-lo, creixendo dende alavez lo nino como un miembro mas d'a manada de monos. Cuan un grupo de cazadors furtivos mata a su mai adoptiva, lo choven la venga matando a lo suyo asasino. Anyos dimpués, Phillippe d'Arnot ye un explorador belga que viacha con un grupo de britanicos que son asasinaus por un grupo de nativos, salvando-se nomás que él. Feriu, lo troba lo choven hombre-simio qui cudia d'él dica que se recupera. L'explorador descubre qui ye en realidat o choven y li proposa que marche con él enta lo Reino Uniu ta conoixer a la suya familia, cosa que lo choven accepta.
A cinta s'ambienta en 1885, 1886, 1887, 1891, 1898 y 1906 en l'actual Republica Democratica d'o Congo y en Escocia y las suyas escenas se filmoron en o palacio de Blenheim en Woodstock (Oxfordshire), Hatfield (Hertfordshire) y Londres en Anglaterra y Kelso en Escocia en o Reino Uniu, en a Rechión Sud-ueste y la Rechión Litoral de Camerún, amás d'en os Elstree Studios en Borehamwood (Hertfordshire) en Anglaterra.[2]
Se tracta d'una cinta que ha recibiu cuantos premios y nominacions, entre los que destacan tres nominacions a los Premios Oscar (Millor Actor Segundario, Millor Guión Adaptau y Millor Maquillache) en a suya 57ena edición, un Premio BAFTA (Millor Maquillache y Peluquería) y atras cinci nominacions (dos a lo Millor Actor Segundario, Millor Fotografía, Millor Disenyo de Producción y Millor Soniu) en a suya 38ena edición, y una nominación a los Premios César a la Millor Cinta Forana en a suya 10ena edición.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editarVinclos externos
editar- (en) Greystoke: The Legend of Tarzan, Lord of the Apes en Internet Movie Database.
- (en) Greystoke: The Legend of Tarzan, Lord of the Apes en TCM Movie.
- (en) Greystoke: The Legend of Tarzan, Lord of the Apes en Rotten Tomatoes.
- (en) Greystoke: The Legend of Tarzan, Lord of the Apes en Box Office Mojo.
Datos: Q780951
