Girl with a Pearl Earring (cinta)

Iste articlo ye sobre una cinta dramatica de 2003 dirichida por Peter Webber; ta atros usos, se veiga Girl with a Pearl Earring.

Girl with a Pearl Earring
Títol	Girl with a Pearl Earring
Póster d'a cinta.
Ficha tecnica
Dirección	Peter Webber
Dirección artistica	Christina Schaffer
Producción	Andy Paterson Anand Tucker
Disenyo de producción	Ben van Os
Guión adaptau	Olivia Hetreed
Basau en	Girl with a Pearl Earring, novela de Tracy Chevalier de 1999
Musica	Alexandre Desplat
Fotografía	Eduardo Serra
Montache	Kate Evans
Escenografía	Cecile Heideman
Vestuario	Dien van Straalen
Maquillache	Anita Burger
Peluquería	Béatrice Stephany
Actors	Colin Firth Scarlett Johansson Tom Wilkinson Judy Parfitt Cillian Murphy Essie Davis Joanna Scanlan Alakina Mann Chris McHallem Gabrielle Reidy Rollo Weeks Anna Popplewell Geoff Bell John McEnery
Color	Technicolor
Datos y cifras
País(es)	Estaus Unius Reino Uniu Luxemburgo Francia Belchica
Anyo	2003
Debantadera	31 d'agosto de 2003 Festival de Cine de Telluride (Telluride, Colorado, Estaus Unius)^[1] 3 d'octubre de 2003 Festival de Cine Britanico de Dinarzh (Dinarzh, Bretanya, Francia)^[1] 30 d'octubre de 2003 Festival de Cine de Londres (Londres, Reino Uniu)^[1] 3 de marzo de 2004 Belchica^[1]
Chenero(s)	Cine biografico Cine de drama Cine de romance
Durada	100 mi.
Idioma(s)	Anglés
Companyías
Productora(s)	UK Film Council Archer Street Productions DeLux Productions Inside Track Film Fund Luxembourg Wild Bear Films
Distribución	Pathé Distribution Lions Gate Films
Presupuesto	10 millons de dólars
Recauto	31,4 millons de dólars
Informacions en bases de datos especializadas:

Girl with a Pearl Earring (títol orichinal en anglés, en aragonés A mesacha de l'arracada con perla, enguerada en Aragón con o títol en castellano de La joven de la perla, en aragonés A choven d'a perla) ye una cinta de cine biografico de drama romantico de l'anyo 2003 coproducida por o cine estausunidense, lo cine britanico, lo cine luxemburgués, o cine belga y lo cine francés dirichida por Peter Webber seguntes un guión adaptau por Olivia Hetreed (basau en a novela Girl with a Pearl Earring, publicada por Tracy Chevalier en 1999), con una banda sonora orichinal d'Alexandre Desplat, una dirección de fotografía d'Eduardo Serra, una producción cinematografica d'Andy Paterson y Anand Tucker ta las productoras UK Film Council, Archer Street Productions, DeLux Productions, Inside Track, Film Fund Luxembourg y Wild Bear Films, y un elenco d'o cul en fan parte, entre d'atros actors, Colin Firth, Scarlett Johansson, Tom Wilkinson, Judy Parfitt, Cillian Murphy, Essie Davis, Joanna Scanlan, Alakina Mann, Chris McHallem, Gabrielle Reidy, Rollo Weeks, Anna Popplewell, Geoff Bell y John McEnery.

Griet vive en as Provincias Unidas d'os Países Baixos estando filla d'un pintor que ha perdiu a suya vista, dixando a la suya familia en una situación precaria, asinas que la suya filla prencipia a treballar como criada en casa d'o famoso pintor Johannes Vermeer. a on treballa bien furo. Conoix a Pieter, o fillo d'un carnicero, que s'enamora d'ella. Bel día Vermeer descubre que Griet conoix aspectos esencials d'a pintura, como la importancia d'a luz u d'as colors, y precipia a tractar-la con mas conseideración, encara que d'amagau ta evitar que la suya muller se sienta encelada. Tanimientres, la suya suegra veye bien qe Griet colabore con él en considerar que ixo beneficia la suya carrera artistica. O patrón de Vermeer decide encomendar-le un cuadro con a mesacha como protagonista y Vermeeer i treballa d'amagau de su muller pero con plena conoixencia d'a suya suegra, ta pintar o suyo cuadro clamau A choven d'a perla.