Fernando Gimeno Marín
| Fernando Gimeno Marín | |
|---|---|
| 6 de chulio de 2015 – 6 de chulio de 2019 | |
| President | Javier Lambán Montañés |
| Gubierno | Primer Gubierno Lambán |
| Precediu por | Javier Campoy Monreal |
| Succediu por | Carlos Pérez Anadón |
| 16 de chunio de 2009 – 13 de chunio de 2015 | |
| Succediu por | Luisa Broto Bernués |
| 18 de noviembre de 1982 – 18 de chinero de 2000 | |
| 16 de chunio de 2007 – 13 de chunio de 2015 | |
| Naiximiento | 1949 Chaca (Aragón)
|
| Partiu | Partido Socialista Obrero Español |
| Profesión | Politico |
| Alma Máter | Universidat de Barcelona |
.svg){kind=small}
Fernando Gimeno Marín (Chaca, 1949) ye un funcionario de l'Administración Cheneral d'o Estau y politico aragonés. Estió Consellero d'Hicienda y Administración Publica d'Aragón entre 2015 y 2019 en o primer gubierno d'o socialista Javier Lambán. D'antis mas estió vicealcalde d'o concello de Zaragoza[1] y deputau en o Congreso mientres cinco mandatos.[2]
Biografía
editarLicenciau en Dreito por a Universidat de Barcelona, ye inspector de treballo y seguridat social de l'Administración Cheneral d'o Estau. En l'ambito politico, ye miembro d'o Partido Socialista Obrero Español (PSOE), formación con la que concurrió y obtenió escanyo a o Congreso d'os Deputaus por a circunscripción de Zaragoza en as eleccions chenerals de 1982, 1986, 1989, 1993 y 1996. En a suya actividat como parlamentario, estió vocal d'a Comisión de Politica Social y Emplego en cuatre d'os cinco mandatos, estió vicepresident d'a Comisión Mixta de relacions con o Tribunal de Cuentas en a VI Lechislatura, estió ponent d'as ponencias de deciséis prochectos de lei (entre os que se trobaban cuantos de presupuestos chenerals, o de creyación d'o Consello Economico y Social y a lechislación sobre cooperativas), asinas como en dos proposicions de lei.
Más tardi estió concellero d'o Concello de Zaragoza, a on ocupó cuantas responsabilidaz dende 2007, entre as que destaca haber estau vicealcalde d'o municipio dica chunio de 2015.
Dimpués d'as eleccions de mayo de 2015, pasó d'o Concello de Zaragoza a la Deputación Cheneral d'Aragón, pa exercer como Consellero d'Hicienda y Administración Publica d'Aragón baixo a presidencia de Javier Lambán. [3] Posteriorment, dimpués d'as eleccions de 2019 fue sustituyiu en o cargo por o tamién socialista Carlos Pérez Anadón.[4]
Referencias
editar- ↑ (es) Ficha de Fernando Gimeno Marín. Concello de Zaragoza
- ↑ (es) Ficha de Gimeno Marín, Fernando. Congreso de los Diputados
- ↑ (es) Vicente Guillén, consejero de Presidencia, y Fernando Gimeno llevará la cartera de Hacienda. Heraldo de Aragón, 5 de chulio de 2015
- ↑ (es) Lambán apela a la ejemplaridad de un gobierno diverso y comprometido con Aragón. Heraldo de Aragón, 7 d'agosto de 2019
| Predecesor: Javier Campoy Monreal |
Consellero d'Hicienda y Administración Publica d'a Deputación Cheneral d'Aragón 6 de chulio de 2015 - 6 de chulio de 2019 |
Succesor: Carlos Pérez Anadón |
Datos: Q15161278
