Fernando Fernán Gómez

Fernando Fernán Gómez
Información personal
Nombre real	Fernando Fernández Gómez
Calendata naiximiento:	28 d'agosto de 1921
Puesto naiximiento:	Lima (Perú)
Calendata muerte:	21 de noviembre de 2007
Puesto muerte:	Madrit (Espanya)
Ocupación:	Actor, director cinematografico, director teatral, escritor y guionista
Conchuche:	María Dolores Pradera (1947-1959) Emma Cohen (2000-2007)
Fillos:	Helena Fernán Gómez Fernando Fernán Gómez, hijo
Premios Goya
Premio Goya a o Millor Actor: -1986: por Mambrú se fue a la guerra -1998: por El abuelo Premio Goya a o Millor Director: -1986: por El viaje a ninguna parte.
Premio Prencipe d'Asturias
- 1995: Premio Prencipe d'Asturias d'as Artes
Premio Nacional de Cinematografía:
-1989: Premio Nacional de Cinematografía

Fernando Fernán Gómez (nombre artistico de Fernando Fernández Gómez), naixito de Lima (Perú) o 28 d'agosto de 1921 y muerto en Madrit (Espanya) o 21 de noviembre de 2007, estió un destacato actor, director cinematografico, director teatral, escritor y guionista espanyol con una amplisma y exitosa carrera artistica dende os anyos 1930 y con quantismos premios y reconoiximientos recibitos por o suyo treballo artistico. Tamién estió miembro d'a Real Academia Española dende l'anyo 2000 dica la suya muerte. Mientres a suya vida casó con a cantaire María Dolores Pradera y con l'actriz Emma Cohen. Filla d'o suyo primer matrimonio ye Helena Fernán Gómez.

D'entre a suya amplisma filmografía como actor, se puet mencionar bellas d'as suyas interpretacions en cintas como El destino se disculpa (1945, José Luis Sáenz de Heredia), Botón de ancla (1948, Ramón Torrado), Balarrasa (1951, José Antonio Nieves Conde), Morena Clara (1954, Luis Lucia), La venganza de Don Mendo (1961, Fernando Fernán Gómez), Ana y los lobos (1973, Carlos Saura), El espíritu de la colmena (1973, Víctor Erice), Mamá cumple cien años (1979, Carlos Saura), Mambrú se fue a la guerra (1986, Fernando Fernán Gómez), Esquilache (1989, Josefina Molina), Belle Époque (1992, Fernando Trueba), El abuelo (1998, José Luis Garci), u La lengua de las mariposas (1999, José Luis Cuerda).

Premios

Fernando Fernán Gómez recibió en 1986 o Premio Goya a o Millor Actor por a suya interpretación d'Emiliano en a cinta Mambrú se fue a la guerra, a on ell mesmo yera o director.

• Premio Prencipe d'Asturias d'as Artes de 1995.

Vinclos externos

• (en) Fernando Fernán Gómez en IMDb.