Femtofotografía
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A femtofotografía ye una tecnica pa rechistrar a propagación de pulsos de luz ultracurtos a traviés d'una escena a una velocidat muit alta (dica 1013 cuadros por segundo). Una femtofotografía ye equivalent a una respuesta d'empento optico d'una escena y tamién ha estau denotada por termins como gravación de luz en vuelo u imachen transitoria.
A femtofotografía d'obchectos macroscopicos estió contrimostrada por primera vegada utilizando un proceso holografico en o decenio de 1970 por Nils Abramsson en o Royal Institute of Technology (Suecia).[1] Un equipo d'investigación d'o MIT Media Lab endrezau por Ramesh Raskar, de conchunta con colaboradors d'o Graphics and Imaging Lab[2] d'a Universidat de Zaragoza, Aragón, aconsiguioron mas recientment un augmento significativo en a calidat d'a imachen fendo servir una camera sincronizada con un laser titanio-zafir y pa obtener imáchens 2D en cuenta d'una sola linia d'exploración.
En as suyas publicacions, l'equipo de Raskar afirma estar capaz de capturar exposicions tan curtas que a luz solament trascruza 0,6 mm (correspondient a 2 picosegundos, u 2 × 10−12 segundos) entre o periodo d'exposición, una cifra que ye d'alcuerdo con a resolución nominal d'o modelo C5680 d'a camera Hamamatsu, en a cual se basa a suya configuración experimental. As gravacions presas con a configuración han aconseguiu una difusión significativa en os prencipals meyos de comunicación, incluida una presentación de Raskar en TEDGlobal 2012.[3] Amás, l'equipo podió contrimostrar a reconstrucción d'obchectos desconoixius arredol d'as cantonadas[4], ye decir, difuera d'a linia de visión d'a fuent de luz y a camera, a partir de femtofotografías.[5]
En 2013, investigadors d'a Universidat de Columbia Britanica contrimostroron una tecnica computacional que permite a extracción d'imáchens transitorias de datos de sensors de tiempo de vuelo sin a necesidat de detectors u fuents de luz ultrarrapedas.[6]
Referencias editar
- ↑ (en) Abramsson, Nils (1978). "Light-in-flight recording by holography". Optics Letters. 3 (4): 121–123. Bibcode:1978
- ↑ (es) Femto-fotografía para retratar lo que no se ve en Heraldo de Aragón
- ↑ (en) Imaging at a trillion frames per second en TED.com
- ↑ (en) Velten, Andreas; Thomas Willwacher; Otkrist Gupta; Ashok Veeraraghavan; Moungi G. Bawendi; Ramesh Raskar (20 de marzo de 2012). "Recovering three-dimensional shape around a corner using ultrafast time-of-flight imaging". Nature Communications. 3: 745.
- ↑ (es) Femtofotografía: ver la vida a un billón de fotogramas por segundo en Heraldo de Aragón
- ↑ (en) Heide, Felix; Matthias B. Hullin; James Gregson; Wolfgang Heidrich. "Low-Budget Transient Imaging using Photonic Mixer Devices". In: ACM Trans. Graph. 32(4) (Proc. SIGGRAPH 2013).