Errico Malatesta
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Errico Malatesta | |
|---|---|
| |
| Información personal | |
| Calendata de naixencia | 14 d'aviento de 1853 |
| Puesto de naixencia | .svg){kind=small} Santa Maria Capua Vetere (Campania, Reino de Dos Sicilias)
|
| Calendata de muerte | 22 de chulio de 1932 |
| Puesto de muerte | .svg){kind=small} Roma (Reino d'Italia)
|
| Ocupación | Teorico anarquista |
Errico Malatesta, naixito lo 14 d'aviento de 1853 en Santa Maria Capua Vetere (Campania, Reino de Dos Sicilias) y fallecito lo 22 de chulio de 1932 en Roma (Reino d'Italia), ye un d'os grans teoricos de l'anarquismo moderno. Zarró a etapa d'os clasicos de l'anarquismo, chunto de Pierre-Joseph Proudhon, Mihaíl Bakunin y Peter Kropotkin.
Biografía y aportes teoricos
editarO suyo pensamiento post-materialista ubre una corrient inexistent antes d'alavez en a teoría anarquista, o que li creyará un conflicto ideyolochico con Kropotkin, a qui considera amanato a lo positivismo. As suyas teorías influyirán en as nuevas corrients filosoficas que surten en zaguerías d'o sieglo XIX y primerías d'o XX arredol d'o neokantismo y o neoideyalismo.
Errico Malatesta naixió en un contexto familiar chicot-burgués d'o cual s'aluenyará cuan prencipie lo suyo activismo politico treballando en diferents oficios, entre ellos o d'electricista. O suyo activismo politico prencipia con 17 anyadas, cuan s'intresa per a Internacional y o socialismo antiautoritario. En 1872 conoix a Bakunin, de qui se considerará disciplo. Posteriorment, Malatesta prencipia un periodo de viaches con a finalidat de participar en diferents achitacions socials, recorrendo puestos como Suiza, Espanya, Echipto, Rumanía, Francia, Belchica u Anglaterra. En marzo de 1885, ta eslampar d'a persecución en Europa, decide de fuyir ta l'Archentina. Astí fundará sindicatos (como a Sociedad de Resistencia Cosmopolita de Obreros Panaderos) y promoverá a organización d'o proletariado, de vez que se ficará en fuertes luitas ideyolochicas con anarquistas individualistas.
En 1889 torna ta Italia y prencipia una larga etapa de creyación y fundación de periodicos y revistas libertarias como L'Associazionale (1889), L'Agitazione (1897), L'Internazionale (1901), La Rivoluzione Sociale (1902), Volontà (1913), Umanità Nova (1920) u Pensiero e Volontà (1924), estando as tres zagueras muit importants per o suyo prestichio entre a prensa anarquista internacional d'a epoca. En 1891 en Suiza, funda o Partito Socialista Revolucionario Anarquico Italiano, achuntando anarquistas ciprians y anarquistas propiament ditos. Dimpués d'estar condenato a siet meses de garchola en Italia y l'arresto domiciliario, eslampa ta o Reino Uniu dende do deseguida marcha t'os Estaus Unius. En 1900 vive en L'Habana, y dimpués en Nueva York y Londres, an treballa de mecanico electrecista entre o tiempo de 13 anyadas, atento siempre a los movimientos socials y estando-se a o diya d'o pensamiento cientifico y filosofico.
En 1907, en o Congreso Internacional Anarquista d'Amsterdam torna a veyer-se embolicato en barallas contra los anarquistas individualistas. Ixa mesma añada publicará polemicos articlos enrestindo o sindicalismo como tuca de l'anarquismo. No quereba a participación d'os anarquistas en os sindicatos, sique a fusión d'os mesmos. Emparaba a necesidat d'a participación en os sindicatos (y atras organizacions populars de luita), pero de vez, tamién a necesidat d'a organización politica d'os anarquistas.
En 1920 se fan una serie d'ocupacions de fabricas per parti d'os treballadors, an Malatesta i participa como enzurizador d'o movimiento dende a Unione Sindicale Italiana. Con l'arribata de Mussolini, Malatesta ye procesato per a suya participación antifaixista en cuantas revistas. Engarcholato en o suyo domicilio y reprimito per o faixismo, muere lo 22 de chulio de 1932 en Roma.
Os fundamentos d'as suyas teorías los desembolicó en un gran numero de revistas y periodicos que fundó y en os que participó activament.
Se veiga tamién
editar
Datos: Q215673
Multimedia: Errico Malatesta / Q215673
